ཕྱི་ལོ་ ༢༠༡༨ ཟླ་ ༡༡ ཚེས་ ༡༤ རེས་གཟའ་ལྷག་པ།

༄༅། །འདི་གར་ཤེས་རིག་ལས་ཁུངས་ནས་བཏང་གནས་ནང་འཁོད་དོན། བོད་མིའི་སྒྲིག་འཛུགས་ཤེས་རིག་བཀའ་བློན་འབུམ་རམས་པ་པདྨ་དབྱངས་ཅན་མཆོག་ཕྱི་ལོ་ ༢༠༡༨ ཟླ་ ༡༡ ཚེས་ ༡༥ ཉིན་རྒྱ་གར་དབུས་གཞུང་གི་རྡོ་སྣུམ་དང་། རྫས་སྦྱོར། དེ་བཞིན་གྲོས་ཚོགས་ལས་དོན་བཅས་ཀྱི་བློན་ཆེན་ཟུར་པ་དང་། བོད་དོན་རྒྱབ་སྐྱོར་བ་དམ་པ་སྐུ་ཞབས་ཤྲཱི་སཏྱ་པྲཀཱཤ་མཱལ་ཝཱི་ཡ་ Late Shri Satya Prakash Malaviya ,Former Union Minister of Petroleum, Chemical and Parliamentary Affairs མཆོག་གི་བུ་མོ་སཾ་གཱི་ཏཱ་མཱལ་ཝཱི་ཡ་ཤརྨཱ་ Sangeeta Malaviya Sharma ལགས་ནས་དམ་པ་དེ་ཉིད་ཀྱི་ཆེད་ལྡི་ལིར་རྟེན་གཞི་བྱས་པའི་ Dy Speaker Hall, Constitution Club ཏུ་ཕྱེད་ཡོལ་ཆུ་ཚོད་ ༣ ཐོག་འདས་མཆོད་དང་། རྗེས་དྲན་ལྷན་འཛོམས་ཤིག་གོ་སྒྲིག་གནང་གཏན་འཁེལ་བར། དཔལ་ལྡན་བཀའ་ཤག་གི་སྐུ་ཚབ་ཏུ་ཚེས་ ༡༤ ཕྱི་དྲོ་དྷ་ས་ནས་གཞུང་འབྲེལ་ཕྱོགས་ཕེབས་གནང་རྒྱུ་ཡིན་འདུག་པ་བཅས། །