ཕྱི་ལོ་ ༢༠༡༨ ཟླ་ ༡༠ ཚེས་ ༣༠ རེས་གཟའ་མིག་དམར།

༄༅། །སྐབས་ ༡༦ པའི་བོད་མི་མང་སྤྱི་འཐུས་རྣམས་རྒྱ་གར་མངའ་སྡེ་ཁག་ནང་མངའ་སྡེའི་སྲིད་སྐྱོང་དང་། སྤྱི་ཁྱབ་བློན་ཆེན། གྲོས་ཚོགས་ཚོགས་གཙོ། མངའ་སྡེའི་གྲོས་ཚོགས་འཐུས་མི་སོགས་མཇལ་འཕྲད་ཀྱིས་བོད་དོན་ཞུ་སྐུལ་གནང་རྒྱུའི་ལས་རིམ་ཡོད་པ་ལྟར། ཕྱི་ལོ་ ༢༠༡༨ ཟླ་ ༡༡ ཚེས་ ༡ ནས་ ༢༥ བར་སྤྱི་འཐུས་པདྨ་བདེ་ལེགས་མཆོག་དང་། སྤྱི་འཐུས་མི་འགྱུར་རྡོ་རྗེ་མཆོག སྤྱི་འཐུས་ལྷ་རྒྱ་རི་རྣམ་རྒྱལ་སྒྲོལ་དཀར་མཆོག་བཅས་ལས་གྲུབ་པའི་སྐུ་ཚབ་ཚོགས་ཆུང་ཞིག་རྒྱ་གར་ལྷོ་ཕྱོགས་མངའ་སྡེ་ཀར་ན་ཊ་ཀ་ karnataka དང་། ཏ་མིལ་ན་ཌུ་ Tamil Nadu  ཀེ་ར་ལ་ Kerala པུ་ཌུ་ཅེ་རི་ Puducherry བཅས་ཀྱི་ནང་བོད་དོན་ཞུ་སྐུལ་ཆེད་གཞུང་འབྲེལ་ཕྱོགས་བསྐྱོད་གནང་གཏན་འཁེལ་ཡོད།

དེ་ཡང་སྤྱི་འཐུས་རྣམ་པ་ཕྱི་ཟླ་ ༡༡ ཚེས་ ༡ ཉིན་ཀར་ན་ཌ་ཀའི་རྒྱལ་ས་སྦེང་ལོར་དུ་ལྷན་འཛོམས་གནང་རྒྱུ་དང་། ཕྱི་ཚེས་ ༢ ནས་ ༦ བར་ས་གནས་སུ་བོད་དོན་ཞུ་སྐུལ་གྱི་ལས་རིམ། དེ་ནས་རིམ་བཞིན་ཏ་མིལ་ན་ཌུ་དང་། ཀེ་ར་ལ། པུ་ཌུ་ཅེ་རི་བཅས་ཀྱི་ནང་བོད་དོན་ཞུ་སྐུལ་མུ་མཐུད་གནང་རྒྱུ་ཡིན་པ་བཅས། །