ཕྱི་ལོ་ ༢༠༡༨ ཟླ་ ༡༠ ཚེས་ ༡༥ རེས་གཟའ་ཟླ་བ།
༄༅། །བོད་རྒྱལ་ལོ་ ༢༡༤༥ ཕྱི་ལོ་ ༢༠༡༨ ཟླ་ ༡༠ ཚེས་ ༡༥ རེས་གཟའ་ཟླ་བའི་ཉིན་སིམ་ལར་རིཇ་ Ridge ཐང་ཆེན་དུ་བོད་མིའི་སྒྲིག་འཛུགས་ཀྱི་ཐུགས་རྗེ་ཆེ་ཞུའི་ལས་དོན་ཚོགས་ཆུང་དང་སིམ་སྤྱི་ལས་ཁུངས་ཐུན་མོང་གི་གོ་སྒྲིག་འོག་ཧི་མཱ་ཅལ་མངའ་སྡེའི་གཞུང་མང་གཉིས་ལ་བོད་མི་ཡོངས་ནས་ཐུགས་རྗེ་ཆེ་ཞུའི་མཛད་སྒོ་སྲུང་བརྩི་གཟབ་རྒྱས་ཞུས་གནང་ཡོད།
དེ་ཡང་གོང་ཚེས་ཉིན་གྱི་སྔ་དྲོ་ཆུ་ཚོད་ ༡༠ ཐོག་མཛད་སྒོའི་སྐུ་མགྲོན་གཙོ་བོ་ཧི་མཱ་ཅལ་མངའ་སྡེའི་སྲིད་སྐྱོང་སྐུ་ཞབས་ཨ་ཅཱརྱ་ཌེབ་རཊ་Acharya Dev Vrat མཆོག་དང་། མངའ་སྡེའི་སྤྱི་ཁྱབ་བློན་ཆེན་མཆོག་གི་སྐུ་ཚབ་མངའ་སྡེ་གཞུང་གི་འཕྲོད་བསྟེན་དང་ཞིང་ཆུ་འདྲེན་གཏོང་བློན་ཆེན་སྐུ་ཞབས་མ་ཧེནྡྲ་སིངྒ་ Mahender singh མཆོག བོད་མིའི་སྒྲིག་འཛུགས་ཀྱི་དཔལ་ལྡན་སྲིད་སྐྱོང་བློ་བཟང་སེངྒེ་མཆོག དཔལ་ལྡན་བོད་མི་མང་སྤྱི་འཐུས་ཚོགས་གཞོན་ཨ་ཅཱརྱ་ཡེ་ཤེས་ཕུན་ཚོགས་མཆོག དཔལ་འབྱོར་བཀའ་བློན་ཀརྨ་ཡེ་ཤེསམཆོག འཕྲོད་བསྟེན་བཀའ་བློན་ཆོས་སྐྱོང་དབང་ཕྱུག་མཆོག ཧི་མཱ་ཅལ་མངའ་སྡེའི་སྤྱི་ཁྱབ་བློན་ཆེན་ཟུར་པ་སྐུ་ཞབས་ཝིར་བྷདྲཱ་སིངྒ་ Virbhadra Singh མཆོག མངའ་སྡེའི་གྲོས་ཚོགས་ཀྱི་འཐུས་མི་ཁག་གཅིག ས་གནས་ཡུལ་མི་དང་བོད་མི། དེ་བཞིན་ཕྱི་ནང་གི་གསར་འགོད་པ་སོགས་ཚང་འཛོམས་ཀྱིས་ཐོག་མར་ཆེས་མཐོའི་སྐུ་མགྲོན་རྣམ་པས་སྣང་གསལ་གསལ་མར་མེ་ཞལ་ཕྱེ་གནང་།
དེ་རྗེས་སིམ་ལ་གཏན་སློབ་ཀྱི་སློབ་ཕྲུག་རྣམས་པས་རྔ་རོལ་དང་བཅས་འཕགས་བོད་གཉིས་ཀྱི་རྒྱལ་གླུ་བཏང་གྲུབ་བསྟུན་རྒྱ་གར་གཞུང་མང་གཉིས་ལ་ཐུགས་རྗེ་ཆེ་ཞུའི་ཆེས་མཐོའི་ཚོགས་ཆུང་གི་ཚོགས་མི་དཔལ་འབྱོར་བཀའ་བློན་ཀརྨ་ཡེ་ཤེས་མཆོག་གིས་མཛད་སྒོའི་དགའ་བསུའི་གསུང་བཤད་གནང་གྲུབ་མཚམས། བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ཧི་མཱ་ཅལ་མངའ་སྡེའི་གཞུང་མང་གཉིས་ལ་ཐུགས་རྗེ་ཆེ་ཞུའི་བརྙན་འཕྲིན་གཟིགས་འབུལ་ཞུས།
དེ་ནས་བོད་ཀྱི་ཟློས་གར་ཚོགས་པས་རྒྱ་གར་གཞུང་མང་གཉིས་ལ་ཐུགས་རྗེ་ཆེ་ཞུའི་གླུ་དབྱངས་འབུལ་རྗེས་དཔལ་ལྡན་སྲིད་སྐྱོང་བློ་བཟང་སེངྒེ་མཆོག་གིས་མཛད་སྒོའི་ངོ་སྤྲོད་གསུང་བཤད་གནང་། དེ་རྗེས་དམིགས་བསལ་སྐུ་མགྲོན་ཧི་མཱ་ཅལ་མངའ་སྡེ་སྤྱི་ཁྱབ་བློན་ཆེན་གྱི་སྐུ་ཚབ་མངའ་སྡེ་གཞུང་གི་འཕྲོད་བསྟེན་དང་ཞིང་ཆུ་འདྲེན་གཏོང་བློན་ཆེན་སྐུ་ཞབས་མ་ཧེནྡྲ་སིངྒངྒ་མཆོག་གིས་བོད་མི་རྣམས་ཀྱིས་ཧིན་
དེ་རྗེས་སྐུ་མགྲོན་གཙོ་བོ་ཧི་མཱ་ཅལ་མངའ་སྡེའི་སྲིད་སྐྱོང་སྐུ་ཞབས་ཨ་ཅཱརྱ་ཌེབ་རཊ་མཆོག་གིས་འཕགས་བོད་གཉིས་ཀྱི་འབྲེལ་ལམ་ནི་ཉིན་རེ་བཞིན་ཇེ་བཟང་དུ་
དེ་ནས་བོད་མི་མང་སྤྱི་འཐུས་ཚོགས་གཞོན་ཨ་ཅཱརྱ་ཡེ་ཤེས་ཕུན་ཚོགས་མཆོག་གིས་སྤྱི་ཁྱབ་བློན་ཆེན་མཆོག་གི་སྐུ་ཚབ་མཆོག་ལ་ཕྱག་རྟགས་འབུལ་ཏེ་གསུང་བཤད་གནང་།
དེ་ནས་ཆེས་མཐོའི་སྐུ་མགྲོན་ཧི་མཱ་ཅལ་མངའ་སྡེའི་སྤྱི་ཁྱབ་བློན་ཆེན་ཟུར་པ་སྐུ་ཞབས་ཝིར་བྷདྲཱ་སིངྒ་མཆོག་གིས་འཕགས་བོད་དབར་གྱི་འབྲེ
དེ་རྗེས་དཔལ་འབྱོར་བཀའ་བློན་མཆོག་གིས་མངའ་སྡེའི་གྲོས་ཚོགས་འཐུས་མི་རྣམས་དང་འཕྲོད་བསྟེན་བཀའ་བློན་མཆོག་གིས་སྐུ་མགྲོན་རྣམས་ལ་ཕྱག་རྟགས་འབུལ་རྗེས་འཕྲོད་བསྟེན་བཀའ་བློན་མཆོག་གིས་ཐུགས་རྗེ་ཆེ་ཞུའི་གསུང་བཤད་གནང་།
དེ་རྗེས་སྐུ་མགྲོན་རྣམས་དང་མི་མང་ཡོངས་ལ་ཉིན་གུང་གསོལ་ཚིགས་འདེགས་འབུལ་ཞུས་གྲུབ་མཚམས་རིག་གཞུང་འཁྲབ་སྟོན་གཟིགས་འབུལ་ཞུས་ཡོད་པ་བཅས། །
