ཕྱི་ལོ་ ༢༠༡༨ ཟླ་ ༩ ཚེས་ ༢༩ རེས་གཟའ་སྤེན་པ།
༄༅། །མཚུངས་མེད་ཨི་ཊ་ལི་རྒྱལ་སྤྱིའི་རྫོགས་ཆེན་ཚོགས་པའི་དབུ་ལས་དང་སློབ་འབངས་ལྷན་རྒྱས་ལ།
ཆེད་དོན། ད་ཉིན་གནས་ཚུལ་ཤེས་རྟོགས་བྱུང་གསལ་ལྟར་ན། རྫོགས་ཆེན་བསྟན་པའི་སྣང་བྱེད་ཆེན་པོ་༸སྐྱབས་རྗེ་ཆོས་རྒྱལ་ནམ་མཁའི་ནོར་བུ་རིན་པོ་ཆེ་མཆོག་ཕྱི་ལོ་ ༢༠༡༨ ཟླ་ ༩ ཚེས་ ༢༧ དགོང་དྲོ་དགོངས་པ་ཆོས་དབྱིངས་སུ་ཐིམ་ཚུལ་བསྟན་ཡོད་འདུག་པར། འདི་ག་བོད་མིའི་སྒྲིག་འཛུགས་ཆོས་རིག་ལས་ཁུངས་འགོ་ལས་ཚང་མས་མྱ་ངན་གུས་བཏུད་དང་སྦྲགས། ༸སྐྱབས་རྗེ་དམ་པ་དེའི་སྐུ་ཉེ་འབྲེལ་ལྟོས་དང་། ཕྱི་ནང་སློབ་འབངས་ཡོངས་ལ་ཐུགས་གསོ་གཏིང་ཟབ་ཞུ་རྒྱུ་ཡིན། ༸སྐྱབས་རྗེ་དམ་པ་དེས་བོད་ཀྱི་ཆོས་རིག་འཛིན་སྐྱོང་སྤེལ་གསུམ་ཐོག་མཛད་བཟང་ཇི་བསྐྱངས་རྣམས་ལ་བཀྲིན་རྗེས་དྲན་ཞུས་པའི་སྒོ་ནས་༸སྐྱབས་རྗེ་དམ་པ་གང་དེའི་ཐུགས་དགོངས་ཟབ་མོ་ཇི་ཡོད་རྣམས་གེགས་མེད་ལྷུན་གྲུབ་ཡོང་བ་དང་། སླར་ཡང་བོད་ཀྱི་བསྟན་འགྲོའི་དོན་དུ་ཡང་སྤྲུལ་ཟླ་གསར་མྱུར་དུ་བྱོན་ཏེ་གོང་མའི་རྣམ་ཐར་བདག་གིར་བཞེས་ཐུབ་པའི་སྨོན་་འདུན་ཤུགས་དྲག་ཞུ་རྒྱུ་བཅས། བོད་མིའི་སྒྲིག་འཛུགས་ཆོས་རིག་ལས་ཁུངས་ནས་ཆོས་རིག་བཀའ་བློན་མིང་འཛིན་པས། ཕྱི་ལོ་ ༢༠༡༨ ཟླ་ ༩ ཚེས་་༢༩ ལ།
ཆོས་རིག་ལས་ཁུངས་ནས་ཐུགས་གསོ་གནང་བ།
གསར་གནས།
![](https://bod.asia/wp-content/uploads/2017/08/cropped-Central_Tibetan_Admin_Logo-1-370x370.jpeg)
འབྲེལ་གནས།
![](https://bod.asia/wp-content/uploads/2017/08/cropped-Central_Tibetan_Admin_Logo-1-370x370.jpeg)