༢༠༡༨ ཟླ་ ༩ ཚེས་ ༡༢ རེས་གཟའ་ལྷག་པ།

༄༅། །བཀའ་ཤག་སྐབས་བཅོ་ལྔ་པས་ཚུལ་ཁྲིམས་རྒྱ་མཚོ་ལགས་ལ་ཕྱི་ལོ་ ༢༠༡༨ ཟླ་ ༡༠ ཚེས་ ༨ ནས་ལོ་གཅིག་རིང་འདེམས་ལྷན་གྱི་སྒྲིག་གཞི་དོན་ཚན་ ༡༩ ནང་ཚན་ ༤ དགོངས་དོན་ཕྱི་དྲིལ་ཁྱབ་ཁོངས་ཨ་རིའི་སྐུ་ཚབ་དོན་གཅོད་ལས་ཁུངས་ཀྱི་དྲུང་ལས་གནས་རིམ་ཚད་མཉམ་ཐོག་རྒྱ་རིགས་འབྲེལ་མཐུད་པར་དམིགས་བསལ་བསྐོ་གཞག་གནང་འདུག་པ་བཅས། 

དེ་ཡང་ཚུལ་ཁྲིམས་རྒྱ་མཚོ་ལགས་ནི་བོད་ཀྱི་རྒྱལ་ས་ལྷ་སར་འཁྲུངས་ཤིང་ལྷ་སའི་རྒྱ་འབུམ་སྒང་ Je Bu Gang གཞི་རིམ་སློབ་གྲྭར་སློབ་སྦྱོང་གནང་། དེ་རྗེས་ལྷ་ས་འབྲིང་རིམ་སློབ་གྲྭར་སློབ་སྦྱོང་གནང་། དེ་རྗེས་རང་ལོ་ ༡༣ སོན་སྐབས་རྒྱ་གར་བྱང་ཕྱོགས་ཧི་མཱ་ཅལ་མངའ་སྡེའི་ནང་སུ་ཇ་བོད་ཁྱིམ་སློབ་གྲྭ་སློབ་སྦྱོང་ལེགས་ཐོན་རྗེས་ཨ་རི་ནིའུ་ཡོག་ Grover Cleveland High School ཞེས་པའི་སློབ་གྲྭ་ཆེ་བར་སློབ་སྦྱོང་གནང་རྗེས་གྲོང་ཁྱེར་དེ་གའི་བྷ་རུག་  Baruch College མཐོ་སློབ་ནས་སློབ་ཐོན་གནང་འདུག །