ཕྱི་ལོ་ ༢༠༡༨ ཟླ་ ༨ ཚེས་ ༢ རེས་གཟའ་ཕུར་བུ།
མེ་གྷ་ལ་ཡ་མངའ་སྡེའི་གྲོས་ཚོགས་འཐུས་མི་སྐུ་ཞབས་ཅརླེས་ ཕི་ཡོང་རོ་པི་མཆོག་དང་ཌེ་ཝིཌ་ཨེན་ནོང་རུམ་མཆོག
༄༅། །འདི་གར་ཚོགས་དྲུང་ལས་ཁུངས་ནས་བཏང་གནས་ནང་འཁོད་དོན། ཕྱི་ལོ་ ༢༠༡༨ ཟླ་ ༧ ཚེས་ ༢༣ ནས་ ༢༧ བར་མེ་གྷ་ལ་ཡའེ་ནང་། སྲིད་སྐྱོང་སྐུ་ཞབས་གངྒཱ་པྲ་སད་མཆོག་ Shri.Ganga Prasad,Governor of Meghalaya དང་མཇལ་འཕྲད་ཀྱིས་བོད་ནང་གི་ཛ་དྲག་གནད་དོན་ཁག་ཞུས་པར་བོད་དོན་ཐོག་གདུང་སེམས་མཉམ་སྐྱེ་ཡོད་གནས་གསུངས་པ་སོགས་བཀའ་མོལ་ལྷུག་པོ་གནང་། གཞན་ཡང་མངའ་སྡེའི་ནང་སྲིད་བློན་ཆེན་སྐུ་ཞབས་ཇེམས་སངྒ་མ་མཆོག་ Mr.James Sangma,Home Minister of Meghalaya དང་མཇལ་འཕྲད་ཀྱིས་བོད་ནང་གི་ཛ་དྲག་གནད་དོན་ཁག་ཞུས། ཁོང་ནས་ཀྱང་ག་དུས་ཡིན་ནའང་བོད་དོན་ཐོག་རྒྱབ་སྐྱོར་ཡོད་པ་དང་། གདུང་སེམས་མཉམ་སྐྱེ་ཡོད་གནས་གསུངས་སོང་།
མེ་གྷ་ལ་ཡ་མངའ་སྡེའི་སྤྱི་ཁྱབ་དྲུང་ཆེ་སྐུ་ཞབས་ཡེ་ཤེས་ཚེ་རིང་མཆོག
མངའ་སྡེའི་གྲོས་ཚོགས་ཀྱི་ཚོགས་གཙོ་སྐུ་ཞབས་ཌོན་ཀུ་པུར་ཌི་རོའེ་མཆོག་ Mr. Donkupur D Roy, Speaker of Meghalaya མཇལ་འཕྲད་ཀྱིས་བོད་དོན་སྐོར་བཀའ་མོལ་ལྷུག་པོར་ཞུས་པ་དང་། མངའ་སྡེའི་ནང་མངའ་སྡེའི་གྲོས་ཚོགས་བོད་དོན་རྒྱབ་སྐྱོར་ཚོགས་པ་འཛུགས་ཐུབ་ཐབས་སྐོར་ཞུས་པས། ཡིག་ཐོག་ནས་གནང་བ་ཡིན་ན་བསམ་གཞིག་ཆོག་རྒྱུ་ཞེས་གསུངས། མངའ་སྡེའི་སྤྱི་ཁྱབ་བློན་ཆེན་སྐུ་ཞབས་ཀོན་རེཌ་སངྒ་མ་མཆོག་ Mr. Conrad Sangma, Chief Minister of Meghalaya མཇལ་འཕྲད་ཀྱིས་བོད་དོན་ཐོག་བཀའ་མོལ་ལྷུག་པོར་ཞུས་པ་དང་།
མེ་གྷ་ལ་ཡ་མངའ་སྡེའི་སྲིད་སྐྱོང་སྐུ་ཞབས་གངྒཱ་པྲ་སད་མཆོག
མངའ་སྡེའི་གྲོས་ཚོགས་བོད་དོན་རྒྱབ་སྐྱོར་ཚོགས་པ་འཛུགས་ཐུབ་ཐབས་སྐོར་ཞུས། མངའ་སྡེའི་གྲོས་ཚོགས་འཐུས་མི་སྐུ་ཞབས་སན་བུར་ཤུ་ལཡེ་མཆོག་ Mr. Sanbor Shullai, MLA, Meghalaya མཇལ་འཕྲད་ཀྱིས་བོད་དོན་སྐོར་བཀའ་མོལ་ཞུས། དེའི་རྗེས་མངའ་སྡེའི་ཤེས་རིག་དང་ཤིང་ནགས་བློན་ཆེན་སྐུ་ཞབས་ལེག་མེན་རོམ་བྷུའེ་མཆོག་ Mr.Lahkmen Rymbui, Education and Forest Minister of Meghalaya མཇལ་འཕྲད་ཀྱིས་བོད་དོན་སྐོར་བཀའ་མོལ་ལྷུག་པོར་ཞུས།
མེ་གྷ་ལ་ཡ་མངའ་སྡེའི་གྲོས་ཚོགས་ཀྱི་ཚོགས་གཙོ་སྐུ་ཞབས་ཌོན་ཀུ་པུར་ཌི་རོའེ་མཆོག
མངའ་སྡེའི་ཚོགས་གཙོ་གཞོན་པ་སྐུ་ཞབས་ཏི་མོ་ཐི་ཌི་ཤཱི་རཱ་མཆོག་ Mr. Timothy D Shira, Deputy Speaker of Meghalaya མཇལ་འཕྲད་ཀྱིས་བོད་དོན་སྐོར་བཀའ་མོལ་ལྷུག་པོར་ཞུས་ཤིང། ངའི་ངོས་ནས་ག་རེ་བྱེད་ཐུབ་ཅེས་གསུངས་སོང་བར། མངའ་སྡེའི་གྲོས་ཚོགས་བོད་དོན་རྒྱབ་སྐྱོར་ཚོགས་པ་བཙུགས་ཐུབ་ཐབས་སྐོར་ཞུས། དེའི་སྐོར་སྤྱི་ཁྱབ་བློན་ཆེན་མཆོག་ལའང་ཞུས་ཟིན་པས། ཁོང་ནས་གང་གསུངས་པ་ལྟར་འབབ་གཟིགས་གནང་ཆོག་གི་རེད་ཅེས་གསུངས་སོང་།
མེ་གྷ་ལ་ཡ་མངའ་སྡེའི་སྤྱི་ཁྱབ་བློན་ཆེན་སྐུ་ཞབས་ཀོན་རེཌ་སངྒ་མ་མཆོག
དེ་ནས་མངའ་སྡེའི་འཕྲོད་བསྟེན་བློན་ཆེན་སྐུ་ཞབས་ཨེ་ཨེལ་ཧེག་མཆོག་ Mr. A L Hek, Health Minister of Meghalaya མཇལ་འཕྲད་ཞུས་ཤིང། བོད་དོན་སྐོར་དང་བོད་མིའི་སྒྲིག་འཛུགས་བཅས་ཀྱི་སྐོར་བཀའ་མོལ་ལྷུག་པོར་ཞུས་པས། ཁྱེད་ཚོ་བཙན་བྱོལ་ནང་འདི་འདྲ་ཞིག་ཡོད་འགྲོ་རྩ་བ་ནས་བསམས་མ་སོང་ཞེས་གསུངས་སོང། དེ་ནས་དེ་སྔ་གཞུང་ཞབས་ཡིན་པ་དང་ད་ལྟ་མངའ་སྡེའི་གྲོས་ཚོགས་འཐུས་མི་ཡིན་པ་སྐུ་ཞབས་ཨེཅ་ཨེམ་ཤཱངྒ་ཕི་ལི་ཨིན་མཆོག་ Mr. H M Shangpliang, IAS and MLA of Meghalaya མཇལ་འཕྲད་ཀྱིས་བོད་དོན་སྐོར་བཀའ་མོལ་ལྷུག་པོར་ཞུས།
མེ་གྷ་ལ་ཡ་མངའ་སྡེའི་ཤེས་རིག་དང་ཤིང་ནགས་བློན་ཆེན་སྐུ་ཞབས་ལེག་མེན་རོམ་བྷུའེ་མཆོག
ཕྱི་ཚེས་ ༢༦ ཕྱི་དྲོ་བྱང་ཤར་ཁུལ་གྱི་མངའ་སྡེ་བདུན་གྱི་སྒོ་ཁྲལ་སྤྱི་ཁྱབ་ལྷ་ལྕམ་བན་དྷ་ནཱ་ཌི་ཨོ་རི་ Ms.Bhandana Deori,IAS,Commissioner Custom མཆོག་གིས་དགོང་ཚིགས་འདེགས་གནང་གིས་བཀའ་མོལ་ལྷུག་པོར་ཞུ་རྒྱུ་བྱུང་། དེའི་ཉིན་ཁོང་གིས་ཤིས་ལོངས་ཊ་ཡེམས་ Shillong Times རྩོམ་སྒྲིག་མ་ཡང་ལྷན་འཁྲིད་གནང་འདུག མངའ་སྡེའི་གྲོས་ཚོགས་ཀྱི་ཚོགས་གཙོ་ཟུར་པ་དང། གྲོས་ཚོགས་འཐུས་མི་ལས་ཐོག་སྐུ་ཞབས་ཅརླེས་ཕི་ཡོང་རོ་པི་མཆོག་གི་ Charles Pyngrope, Former Speaker, PAC Chairman, MLA Meghalaya གཟིམ་ཤག་ཏུ་མཇལ་འཕྲད་ཞུ་རུ་ཕྱིན་པར། དེར་ཁོང་གི་བུ་ཌེ་ཝིཌ་ཨེན་ནོང་རུམ་ David N.Nongurm, MLA ཡང་མངའ་སྡེའི་གྲོས་ཚོགས་འཐུས་མི་རེད་འདུག་པ་དང་། མངའ་སྡེའི་ཀོང་རེ་སི་བུད་མེད་སྡེ་ཚན་གྱི་ཚོགས་གཙོ་ཇོབ་ལིན་ཨེས་ཤ་ཡི་ལ་ Joplin S Shylla, President Meghalaya Mahila Congress བཅས་དང་མཇལ་འཕྲད་ཀྱིས་བོད་དོན་སྐོར་གླེང་སློང་ཞུས།
མེ་གྷ་ལ་ཡ་མངའ་སྡེའི་གྲོས་ཚོགས་ཀྱི་ཚོགས་གཞོན་སྐུ་ཞབས་ཏི་མོ་ཐི་ཌི་ཤཱི་རཱ་མཆོག
ཁོང་མངའ་སྡེའི་མང་ཚོགས་རྩིས་ཁྲའི་ཚོགས་ཆུང་གི་ཚོགས་གཙོ་རེད་འདུག་པས། ལས་ཁུངས་སུ་ཡང་གྲ་སྒྲིག་གནང་ཡོད་སྟབས། དེར་བཅར་ནས་ཚོགས་ཆུང་གི་ཚོགས་མི་ཚོའི་མཉམ་དུ་བཀའ་མོལ་ལྷུག་པོར་ཞུས། མངའ་སྡེའི་ནང་གྲོས་ཚོགས་བོད་དོན་རྒྱབ་སྐྱོར་ཚོགས་པ་འཛུགས་ཐུབ་ཐབས་སྐོར་ཞུས་ པས་། ཡིག་ཐོག་ལ་ཞུ་སྙན་འབྱོར་ཚེ་གླེང་སློང་ཞུ་ཆོག་གི་རེད་གསུངས། མངའ་སྡེའི་གྲོང་ཁྱེར་འཛུགས་བསྐྲུན་ལས་གཞིའི་བློན་ཆེན་སྐུ་ཞབས་ཧཱ་མེལྟ་སོན་ཌཱོ་ལིངྒ་ Mr. Hameltson Dohling, Urban Affair Minister of Meghalaya མཆོག་མཇལ་འཕྲད་ཀྱིས་བོད་དོན་ཞུ་གཏུག་བྱས།
མེ་གྷ་ལ་ཡ་མངའ་སྡེའི་འཕྲོད་བསྟེན་བློན་ཆེན་སྐུ་ཞབས་ཨེ་ཨེལ་ཧེག་མཆོག
ཕྱི་ ཚེས་ ༢༧ ཕྱི་དྲོ་མངའ་སྡེའི་སྤྱི་ཁྱབ་དྲུང་ཆེ་སྐུ་ཞབས་ཡེ་ཤེས་ཚེ་རིང་ Mr.Yeshi Tsering IAS, Chief Secretary of Meghalaya Government མཆོག་གི་གཟིམ་ཤག་ཏུ་དགོང་ཚིགས་འདེགས་གནང་བྱུང་བ་དང་། ཕྱི་ལོ་ ༢༠༡༨ ཟླ་ ༧ ཚེས་ ༢༨ ཉིན་མེཧ་གྷ་ལ་ཡའི་ཞུ་གཏུགས་ལས་འགུལ་མཇུག་བསྒྲིལ་དང་ཤིས་ལོངས་ཁུལ་གྱི་གཞུང་དང་གཞུང་འབྲེལ་མ་ཡིན་པའི་ཚོགས་པ་ནས་མི་མང་གི་ངོ་ཚབ་ཞུས་ཏེ་ཉིན་གུང་བཞེས་ལག་འདེགས་གནང་བྱུང་།
མེ་གྷ་ལ་ཡ་མངའ་སྡེའི་གྲོས་ཚོགས་འཐུས་མི་སྐུ་ཞབས་ཨེཅ་ཨེམ་ཤཱངྒ་ཕི་ལི་ཨིན་མཆོག
དེ་རྗེས་གྷོ་ཝ་ཧ་ཀྲིར་རྡོག་ཐོན་བྱས། དེ་སྔ་ཨ་སམ་མངའ་སྡེར་མཇུག་སྐྱོང་བྱ་དགོས་ཞུས་ཤིང། དེ་ཡང་དང་པོ་ཨ་སམ་མངའ་སྡེའི་སྲིད་སྐྱོང་མཆོག་ Shri.Jagdish Mukhi, Governor of Assam State མཇལ་འཕྲད་ཀྱིས་བོད་དོན་ཞུ་གཏུག་དང་བཀའ་འདྲི་གནང་ཁག་ལ་བཀའ་ལན་དང་། དགོངས་འཆར་ཡང་མང་པོ་གནང་སོང་། གཞན་ཡང་དབུས་གྲོས་ཚོགས་འོག་མའི་འཐུས་མི་ཟུར་པ་དང་། ཨ་སམ་མངའ་སྡེའི་བྷི་ཇེ་པི་ཚོགས་པའི་ཚོགས་གཞོན། དེ་སྔ་གྲོས་ཚོགས་འཐུས་མི་ཡིན་པའི་སྐབས་གྲོས་ཚོགས་བོད་དོན་རྒྱབ་སྐྱོར་ཚོགས་པའི་ཚོགས་གཞོན་སྐུ་ཞབས་ཌུ་ཝི་ཇན་ཤཱར་མཱ་མཆོག་ Shri. Dwijen Sharma, Former MP, Vice President and Senior Spokesperson of Assam Congress Committee མཇལ་འཕྲད་ཀྱིས་བོད་དོན་ཞུ་གཏུག་གི་ལས་འགུལ་སྐོར་དང་། མངའ་སྡེའི་གྲོས་ཚོགས་བོད་དོན་རྒྱབ་སྐྱོར་ཚོགས་པ་འཛུགས་ཐབས་སུ་ཤུགས་གནོན་རྒྱག་དགོས་པ་སོགས་ཞུས་པར་དེ་དོན་གནང་རྒྱུ་ཡིན་པའི་ཞལ་བཞེས་གནང་།
ཨ་སམ་མངའ་སྡེའི་གྲོས་ཚོགས་ཀྱི་ཚོགས་གཙོ་སྐུ་ཞབས་ཧི་ཏན་དྲ་ནཱཐ་གོཝ་སྭམི་མཆོག
དེ་ནས་མངའ་སྡེའི་གྲོས་ཚོགས་ཀྱི་ཚོགས་གཙོ་སྐུ་ཞབས་ཧི་ཏན་དྲ་ནཱཐ་གོཝ་སྭམི་མཆོག་ Mr. Hitendra Nath Goswami, Speaker of Assam Legislative Assembly མཇལ་འཕྲད་ཀྱིས་དེ་སྔ་ཕྱི་ལོ་ ༢༠༡༣ ལོར་ཞུ་གཏུག་ལས་འགུལ་བརྩམས་པ་དང་། ད་ལོ་ཐེངས་གཉིས་པ་དེ་རྩོམ་བཞིན་ཡོད་གནས། བོད་ནང་གི་སྤྱི་ཡོངས་གནས་བབ། མངའ་སྡེའི་གྲོས་ཚོགས་བོད་དོན་རྒྱབ་སྐྱོར་ཚོགས་པ་འཛུགས་ཐུབ་ཐབས་བཅས་ཀྱི་སྐོར་བཀའ་མོལ་ལྷུག་པོར་ཞུས་ཤིང་། བོད་དོན་ཐོག་གདུང་སེམས་མཉམ་སྐྱེད་ཡོད་པ་དང་། མངའ་སྡེའི་གྲོས་ཚོགས་བོད་དོན་རྒྱབ་ཚོགས་པ་འཛུགས་རྒྱུའི་བསམ་འཆར་དེ་བཞིན་གང་ལེགས་འདུག་པས། དེ་ལྟར་འཛུགས་རྒྱུའི་ཆེད་དུ་མུ་མཐུད་ནས་ལས་འཆར་བསྒྲིག་དགོས་གནས་བཅས་གསུངས་གནང་སོང་།
ཨ་སམ་མངའ་སྡེའི་སྲིད་སྐྱོང་ཇག་དིཤ་མུ་གི་མཆོག
ད་ལྟའི་བོད་དོན་ཞུ་གཏུག་ལས་འགུལ་དེ་བཞིན་མངའ་སྡེ་བདུན་ཡོད་པ་ལས། མངའ་སྡེ་གསུམ་ལ་བརྩམས་ཤིང་མངའ་སྡེ་དེ་དག་གི་སྲིད་སྐྱོངམཆོག་དང། སྤྱི་ཁྱབ་བློན་ཆེན། ཚོགས་གཙོ་ཚོགས་གཞོན། བློན་ཆེན་ཁག དབུས་ས་གཉིས་ཀྱི་གྲོས་ཚོགས་འཐུས་མི་ལས་ཐོག་དང་ཟུར་པ། འཛིན་སྐྱོང་དང་འབྲེལ་བའི་ཐོག་དགོས་དབང་ཡོད་པ་ཁག་མཇལ་འཕྲད་ཀྱིས་དཔེར་ན་ཨ་རུ་ན་ཅལ་མངའ་སྡེའི་ནང་ཛ་དྲག་གི་གནས་ཚུལ་འཕྲད་བཞིན་པའི་སྐབས་འབྲེལ་ཡོད་ས་གནས་འགོ་འཛིན་དང་སྤྱི་འཐུས་གཉིས་ནས་ཐུགས་འགལ་ཆེས་བཞེས་ཀྱི་གནད་ཡོད་མི་སྣ་མཇལ་ འཕྲད་ཀྱིས་ཞུ་དགོས་མཐའ་དག་ཞུས་པས་མངའ་སྡེ་དེའི་ནང་དཀའ་ངལ་གང་ཡང་འཕྲད་རྒྱུ་མིན་པའི་ཞལ་བཞེས་གཙང་མ་གནང་བ་དང་། མངའ་སྡེའི་ནང་དུ་གཏོགས་པའི་མོན་པ་ཚོས་ད་ལྟ་འགྲོ་བཞིན་པའི་སློབ་ཕྲུག་མིང་འཁུར་གྱི་ལས་འགུལ་ལ་རྒྱབ་སྐྱོར་མེད་པ་དང་། དེར་སྐྱོན་བརྗོད་དྲག་པོ་ཞུ་རྒྱུ་ཡིན་པ་སོགས་ཡིག་ངག་གཉིས་ཐོག་ནས་གནང་སོན་བྱུང་ཡོད་པ་བཅས། །
གྲོས་ཚོགས་བོད་དོན་རྒྱབ་སྐྱོར་ཚོགས་པའི་ཚོགས་གཞོན་སྐུ་ཞབས་ཌུ་ཝི་ཇན་ཤཱར་མཱ་མཆོག
