༢༠༡༡ ཟླ་ ༣ ཚེས་ ༡༡ རེས་གཟའ་པ་སངས།
༄༅། །བཀའ་བློན་ཁྲི་པ་ཟམ་གདོང་རིན་པོ་ཆེ་མཆོག་སྡེ་ར་ལྡུན་བཀའ་བརྒྱུད་མཐོ་སློབ་ཀྱིས་གོ་སྒྲིག་གནང་བའི་དམ་ཆོས་དགོངས་པ་གཅིག་པའི་བགྲོ་གླེང་ཆེན་མོའི་དབུ་འབྱེད་མཛད་སྒོའི་སྐུ་མགྲོན་གཙོ་བོར་གདན་ཞུས་ལྟར་གཞུང་འབྲེལ་ཕྱོགས་ཕེབས་གནང་རྒྱུ་ཡིན་འདུག
དེ་ཡང་བཀའ་ཁྲི་མཆོག་ཕྱི་ལོ་ ༢༠༡༡ ཟླ་ ༣ ཚེས་ ༡༡ ཉིན་རྒྱབ་རྡ་ས་ནས་ས་ཐོག་བརྒྱུད་སྡེ་ར་ལྡུན་ཕྱོགས་སུ་ཕེབས་ཐོན་གནང་རྒྱུ་དང། ཚེས་ ༡༢ ཉིན་སྡེ་ར་ལྡུན་བཀའ་བརྒྱུད་མཐོ་སློབ་ཏུ་ཕེབས་འབྱོར་གྱིས་བགྲོ་གླེང་ཆེན་མོའི་དབུ་འབྱེད་མཛད་སྒོར་ཞུགས་རྒྱུ། ཕྱི་ཚེས་ ༡༣ ཉིན་སྡེ་ར་ལྡུན་བཀའ་བརྒྱུད་མཐོ་སློབ་ནས་ཕེབས་ཐོན་གྱིས་རྡ་སར་ཕེབས་འབྱོར་གནང་རྒྱུ་ཡིན་འདུག་པ་བཅས། །
