༢༠༡༨ ཟླ་ ༣ ཚེས་ ༢༠ རེས་གཟའ་མིག་དམར།

༄༅། །དཔལ་ལྡན་བོད་མི་མང་སྤྱི་འཐུས་ཚོགས་གཙོ་མཁན་པོ་བསོད་ནམས་བསྟན་འཕེལ་མཆོག་གིས་རྒྱ་གར་དབུས་གཞུང་གི་འཕྲོད་བསྟེན་བློན་ཆེན་སྐུ་ཞབས་ཇ་གཏ་པྲ་གཏ་ Sh. Jagat Pragat Nadda མཆོག་དང་། འགྲུལ་བཞུད་དང་གཞུང་ལམ།  རྫས་ལུད་བློན་ཆེན་ Union Minister of Road Transport & Highways, Shipping, Chemical & Fertilizers  སྐུ་ཞབས་མན་སུཀ་ Sh. Mansukh L. Mandaviya མཆོག་རྣམ་གཉིས་རྒྱ་གར་གྲོས་ཚོགས་གོང་མིའི་འཐུས་མིར་ Rajya Sabha བསྐྱར་དུ་འོས་འདེམས་བྱུང་བར་བོད་མི་མང་སྤྱི་འཐུས་ལྷན་ཁང་གིས་ཚབ་ཞུས་ཏེ་དགའ་བསུའི་འཚམས་འདྲི་གནང་འདུག

ཕྱོགས་མཚུངས་དཔལ་ལྡན་ཚོགས་གཙོ་མཆོག་གིས་ལྕམ་ས་རོཇ་པན་ཌེ་ Smt. Saroj Pandey ལགས་རྒྱ་གར་གྲོས་ཚོགས་གོང་མའི་ནང་སྐུ་ཞབས་ཨ་སྦི་ཤེཀ་མ་ནུ་སིངྒ་ཝི་ལགས་དང་།  Shri Abhishek Manu Singhvi སྐུ་ཞབས་ར་ཇིབ་ཅནྡྲ་ཤེ་ཁར་ལགས། Shri. Rajeev Chandrasekhar སྐུ་ཞབས་བྷ་ཤིཌ་ན་རའ་ཡན་སིངྒ་ Shri. Bashista Narain Singh ལགས་དང་ལྷན་དུ་འོས་འདེམས་བྱུང་བར་འཚམས་འདྲི་གནང་འདུག

དེ་ཡང་དཔལ་ལྡན་ཚོགས་གཙོ་མཆོག་གི་འཚམས་འཕྲིན་ནང་འཁོད་དོན། སྐུ་ཉིད་མཆོག་གི་ལས་ཡུན་རིང་ལས་དོན་གང་ཅིར་བྱ་བ་ལམ་ལྷོངས་དང་། རྒྱལ་ཁབ་ཀྱི་མངོན་འདོད་རྣམས་ཡིད་བཞིན་དུ་སྒྲུབ་ཐུབ་པར་ངས་ཡིད་ཆེས་གཙང་མ་ཞུ་བཞིན་ཡོད། ཅེས་དང་།    ཕྱོགས་མཚུངས་ང་ཚོས་དུས་རྒྱུན་དུ་རྒྱ་གར་ནི་སེམས་ཐག་ཉེ་པོ་ཞིག་དང་། ང་ཚོ་རྒྱལ་ཁབ་ཤོར་ནས་བོད་མི་ཡོངས་ལ་རྒྱ་གར་ནི་ཧ་ཅང་བཀའ་དྲིན་ཆེན་པོ་ཞིག་ཡིན་པ་ངོས་འཛིན་བྱེད་ཀྱི་ཡོད།

དེ་བཞིན་དཔལ་ལྡན་ཚོགས་གཙོ་མཆོག་གིས་བློན་ཆེན་མཆོག་མཛད་བྲེལ་ཆེན་པོ་ཡོད་བཞིན་དུ་ཆེད་མངགས་དུས་ཚོད་བཏོན་གནང་ནས་བོད་མི་མང་སྤྱི་འཐུས་སྐུ་ཚབ་རྣམ་པར་ཐུག་འཕྲད་གནང་བར་ཐུགས་རྗེ་ཆེ་ཞུས་གནང་བ་དང་ལྷན་མ་འོངས་པར་མུ་མཐུད་བོད་དོན་ཐོག་རྒྱབ་སྐྱོར་རྒྱུན་སྐྱོང་ཡོང་བའི་རེ་འདུན་ཡང་ཞུས་འདུག