༢༠༡༡ ཟླ་ ༡ ཚེས་ ༧ རེས་གཟའ་པ་སངས།
༄༅། །འདི་ག་བཙན་བྱོལ་བོད་གཞུང་ནང་སྲིད་ལས་ཁུངས་ནས་ ༢༠༡༡ ཟླ་ ༡ ཚེས་ ༦ ཉིན་གཏང་གནས་ནང་འཁོད་དོན།  ཕྱི་ལོ་ ༢༠༡༠ ཟླ་ ༡༢ ཚེས་ ༣༠ སྔ་དྲོ་ཆུ་ཚོད་ ༧ ཙམ་ལ་རྒྱ་གར་མངའ་སྡེ་ར་ཇ་སེ་ཐན་(Rajasthan) ཁོངས་ཤྲི་རི་གངྒ་ན་གྷར་ (Shri Ganga Nagar) ས་ཁོངས་སུ་དགུན་དུས་བལ་གོས་ཚོང་གཉེར་བོད་མི་སྐྱབས་བཅོལ་ཚོང་པའི་ཁྲོམ་ས་གྲངས་ ༧༥ ཡོད་ཁོངས་ཀྱི་ཁྲོམ་ས་ ༡༣ ལ་གློག་གི་རྐྱེན་པས་མེ་སྐྱོན་གྱིས་བལ་གོས་ཚོང་ཟོག་མ་གནས་འབུམ་ ༤༥ སྐོར་ཤུལ་མེད་དུ་གྱུར་སྐོར་ས་གནས་བལ་གོས་སྐྱིད་སྡུག་ཚོགས་པ་དང་དེའི་ཐོག་བཙན་བྱོལ་བོད་མིའི་ཚོང་པའི་ཚོགས་པ་ནས་རྒྱབ་གཉེར་ངོས་སྦྱོར་བཅས་ ༢༠༡༠།༡༢།༣༡ འཁོད་འདི་གར་ ༢༠༡༡།༡།༣ ཉིན་ཕུལ་འབྱོར་བྱུང་བའི་བློ་འཚབ་ཡིད་སྐྱོའི་གནས་ཚུལ་བྱུང་འདུག ད་ལེན་གྱི་གོད་ཆག་ཕོགས་མཁན་ཁྲོམ་ས་ ༡༣ དེ་རྣམས་ལ་གདུང་སེམས་མཉམ་སྐྱེ་མཚོན་དོད་གནང་འདུན་ཡོད་རིགས་ནས་འདི་ག་ནང་སྲིད་ལས་ཁུངས་སུ་འབུལ་གནང་ཡོང་བའི་གསལ་བསྒྲགས་སུ།།