༄༅། །ཕྱི་ལོ་ ༢༠༢༥ ཟླ་བ་ ༤ ཚེས་ ༡ ཉིིན་གྱི་དགོང་དྲོ་དྷ་ས་མེག་གྷན་དུ་རྟེན་གཞི་བྱས་པའི་བོད་ཀྱི་ཟློས་གར་ཚོགས་པའི་ཚོགས་ཁང་དུ་བོད་མིའི་སྒྲིག་འཛུགས་ཀྱི་བདེ་སྲུང་བཀའ་བློན་རྒྱ་རི་སྒྲོལ་མ་མཆོག་དང་། ལས་བྱེད་འདེམས་བསྐོ་ལྷན་ཁང་གི་ཚོགས་གཙོ་ཀརྨ་ཡེ་ཤེས་ལགས། བོད་མི་མང་སྤྱི་འཐུས་རྒྱུན་ལས་དང་སྤྱི་འཐུས་ཁག་ཅིག་དབུ་བཞུགས་ཐོག་དབུས་བོད་ཀྱི་གཞོན་ནུ་ལྷན་ཚོགས་ཀྱི་གོ་སྒྲིག་འོག་བོད་ནང་གི་ཛ་དྲག་གནས་སྟངས་གསལ་སྟོན་ཆེད་སྙིང་སྟོབས་ཀྱི་འབོད་སྒྲ་ “A Fearless Voice” ཞེས་པའི་བརྗོད་གཞིའི་འོག་གཏམ་བརྗོད་གཟིགས་འབུལ་ཞུས་ཡོད་པ་རེད།

དབུས་བོད་ཀྱི་གཞོན་ནུ་ལྷན་ཚོགས་ནས་ད་ཐེངས་བཞུགས་སྒར་དྷ་ས་ནས་དབུ་འཛུགས་ཀྱིས་རྒྱ་གར་རྒྱལ་ཡོངས་སུ་བཙན་བྱོལ་བོད་མིའི་འདུ་སྡོད་ས་གནས་ཁག་དང་སློབ་གྲྭ་ཁག་ཏུ་ཟླ་གྲངས་གཉིས་ཙམ་གྱི་རིང་གཏམ་བརྗོད་སྐོར་བསྐྱོད་ཀྱི་ལས་འགུལ་སྤེལ་རྒྱུ་ཡིན་འདུག་པ་བཅས། །