༄༅། །པེ་རི་སི་འབྲེལ་མཐུད་ལས་ཁུངས་ཀྱི་ཁྱབ་ཁོངས་ཕ་རཱན་སིའི་བོད་རིགས་ཚོགས་པས་གཙོ་འགན་བཞེས་ཏེ་ཚོགས་སྡེ་ཁག་དྲུག་མཉམ་རུབ་ཀྱིས་བོད་མིའི་རང་དབང་སྒེར་ལངས་ཐེངས་ ༦༦ ཕ་རཱན་སི་རྒྱལ་ས་པེ་རི་སིའི་གྲོང་ཁྱེར་གྱི་ལོ་རྒྱུས་རང་བཞིན་ལྡན་པའི་རི་པཔ་ལིཀི་ (Place de la Repubique) མི་མང་ལྷན་འཛོམས་ཀྱི་ཚུ་ཆོད་ ༡༤།༣༠ ཐོག་མཛད་སྒོ་དབུ་འཛུགས་ཀྱིས་ཐོག་མར་བོད་དང་ཕ་རཱན་སིའི་རྒྱལ་གླུ་བླངས་རྗེས་བོད་རང་དབང་དོན་དུ་རང་སྲོག་བློས་གཏོང་གནང་མཁན་རྒྱལ་གཅེས་པ་ཕོ་མོ་རྣམས་ཀྱི་ཆེད་མྱ་ངན་གུས་འདུད་སླད་ངག་བཅད་སྐར་མ་གཅིག་རིང་ཞུས་གྲུབ་བསྟུན་བོད་རིགས་ཚོགས་པའི་ཚོགས་གཙོ་པདྨ་རིན་ཆེན་ལགས་ནས་དུས་དྲན་ངོ་སྤྲོད་གནང་བ་དང་། སྐུ་མགྲོན་གཙོ་བོ་པེ་རི་སི་རྫོང་སྤྱི་ཁྱབ་གཞོན་པ་དང་འགྲོ་བ་མིའི་ཐོབ་ཐང་ཚན་པའི་འགན་འཛིན་རོ་མེ་རོ་མ་ཡི་ཀེལ་(Jean-Luc Romero Michel) ལགས་ནས་བོད་དོན་ལ་མུ་མཐུད་ནས་རྒྱབ་སྐྱོར་དང་གདུང་སེམས་མཉམ་སྐྱེད་ཡོད་པའི་གསུང་བཤད་གནང་རྗེས་དམིགས་བསལ་སྐུ་མགྲོན་པེ་རི་སི་རྫོང་སྤྱི་ཁྱབ་ལས་ཁུངས་ཀྱི་འཐུས་མི་ལྕམ་སྐུ་གྷར་རི་གོ་སི་ (Genevieve Garrigos) ལགས་ནས་དུས་དྲན་དང་འབྲེལ་གསུང་བཤད་གནང་། དེ་ནས་པེ་རི་སི་འབྲེལ་མཐུད་ལས་ཁུངས་ཀྱི་འབྲེལ་མཐུད་པ་ཐུབ་བསྟན་ཚེ་རིང་ལགས་ནས་དཔལ་ལྡན་བཀའ་ཤག་གི་གསུང་འཕྲིན་སྒྲོགས་སྦྱང་དང་དུས་དྲན་དང་འབྲེལ་བའི་གསུང་བཤད་གནང་། 
དེ་རྗེས་རི་པཔ་ལིཀི་ (Place de la Repubique) ནས་ཞི་བའི་གོམ་བགྲོད་འགོ་འཛུགས་ཀྱི་གྲོང་ཁྱེར་སྦ་སི་ཏི་( Bastille) བར་ཆུ་ཚོད་གཅིག་ཙམ་གོམ་བགྲོད་ཞུ་རྗེས་མི་མང་ལྷན་འཛོམས་ཀྱི་སྐད་འབོད་དང་། བོད་རིགས་ཚོགས་པའི་ཚོགས་གཙོ་ནས་བོད་མི་མང་སྤྱི་འཐུས་ལྷན་ཚོགས་ཀྱི་གསུང་འཕྲིན་སྒྲོགས་སྦྱང་དང་། ཚོགས་སྡེ་ཁག་དྲུག་གི་ཚོགས་གཙོ་རྣམ་པས་དུས་དྲན་དང་འབྲེལ་གསུང་བཤད་གནང་རྗེས་དྲུང་ཆེ་ནས་ཐུགས་རྗེ་ཆེ་ཞུའི་གསུང་བཤད་གནང་མཐར་བདེན་ཚིག་སྨོན་ལམ་གསུང་འདོན་གནང་སྟེ་དུས་དྲན་ལེགས་གྲུབ་བྱུང་བ་དང་། སྐབས་དེར་བོད་དོན་རྒྱབ་སྐྱོར་ཚོགས་པ་ཁག་གི་སྐུ་ཚབ་དང་། ཡུལ་མི་སྒེར་དང་བཅས་ཁྱོན་མི་མང་༨༠༠ ཙམ་མཉམ་བཞུགས་གནང་འདུག
གཞན་ཡང་ཟླ་ཚེས་ ༧ ཉིན་ཏུ་ལུ་སུ་ (Toulouse) བོད་རིགས་ཚོགས་པའི་ཚོགས་གཙོ་དགེ་བཤེས་བློ་ལྡན་ལགས་གཙོས་པའི་ཚོགས་མི་རྣམས་ད
དེ་བཞིན་ཕ་རན་སིའི་ས་གནས་ལི་ལིའི་ (Lille) ཉེ་འགྲམ་ Sant Genes Champanelle དུ་ Auvergne Mainpat Tibet བོད་དོན་རྒྱབ་སྐྱོར་ཚོགས་པའི་རྐང་འགན་བཞེས་ཏེ་གཡས་གཡོན་བོད་རིགས་རྣམས་ལྷན་འཛོམས་ཀྱི་རྫོང་དཔོན་ལས་ཁུངས་སུ་བོད་ཀྱི་རྒྱལ་དར་གཞུང་འབྲེལ་འཕྱར་ནས་མཛད་སྒོ་སྟབས་བདེ་ཞིག་གོ་སྒྲིག་ཞུ་ཐུབ་པ་བྱུང་ཡོད།
ཕྱོགས་མཚུངས་ས་གནས་སི་ཌ་སི་སྦག་ (Strasbourg) དང་ཨ་མི་ཡ་ (Amien) སོགས་བོད་རིགས་ཚོགས་པ་དང་བོད་དོན་རྒྱབ་སྐྱོར་ཚོགས་པ་ཁག་མཉམ་རུབ་ཀྱི་གསུམ་བཅུའི་དུས་དྲན་ཉིན་རྒྱ་མིའི་གཞུང་ཚབ་གཡས་གཡོན་སྐད་འབད་དང་། དུས་དྲན་སྲུང་བརྩི་ཞུ་ཐུབ་པ་བྱུང་ཡོད་པ་བཅས། །
