༄༅། །ཕྱི་ལོ་ ༢༠༢༥ ཟླ་བ་ ༡ ཚེས་ ༨ ཉིན་ཨོསྟྲེ་ལི་ཡཱའི་རྒྱལ་ས་ཁེན་བྷེ་རར་ས་སྐྱ་བློ་གསལ་ཆོས་རྫོང་ཆོས་ཚོགས་ཀྱི་བླ་མ་ཆོས་གྲགས་ལགས་དབུས་བཞུགས་ཐོག་ས་གནས་བོད་རིགས་མཐུན་ཚོགས་ཀྱི་གོ་སྒྲིག་འོག་བོད་མི་རྣམས་འདུ་འཛོམས་ཀྱིས་བོད་ཀྱི་སྟོད་དིང་རི་གཙོས་གཞིས་ཀ་རྩེ་སོགས་ས་གནས་ཁག་ཅིག་ལ་ས་ཡོམ་ཤུགས་ཆེ་བརྒྱབ་ནས་མི་རྒྱུ་གཉིས་ལ་གནོད་ཚེ་ཚབས་ཆེན་བྱུང་བ་རྣམས་ལ་སེམས་མཉམ་སྐྱེའི་མཆོད་འབུལ་སྨོན་ལམ་གསུང་འདོན་གནང་ཡོད། དེ་བཞིན་ཨོ་གླིང་ས་གནས་སིཌ་ཎི་དང། མེལ་སྦོན། ཁུན་སི་ལེཌ། རི་སྔོན་པོ། གནས་མཁའ་གསར། ཁེན་སྦེལ་ཀྲོན་བཅས་སུ་ས་གནས་སོ་སོའི་བོད་རིགས་མཐུན་ཚོགས་ཀྱི་གོ་སྒྲིག་འོག་མི་མང་འདུ་འཛོམས་ཀྱིས་མཆོད་འབུལ་ལམ་རྒྱ་ཆེ་གནང་ཡོད། གཞན་ཡང་ནིའུ་ཛི་ལེནྜ་ས་གནས་ཨོག་ལེན་ཌེ་བོད་རིགས་མཐུན་ཚོགས་ཀྱི་གོ་སྒྲིག་འོག་ས་གནས་བོད་མི་དང་ཆོས་ཚོགས་ཁག་གི་སློབ་མ་རྣམས་ནས་དཔལ་སྤུངས་ཆོས་ཚོགས་སུ་སྨོན་ལམ་གསུང་འདོན་གནང་ཡོད་པ་བཅས།།
