དེ་མཚུངས་ཤེས་རིག་བཀའ་བློན་མཆོག་གིས་དེང་དུས་གཞོན་སྐྱེས་ཁྲོད་ནུས་རྩལ་འདྲ་མིན་ཡོད་ཀྱང་རིགས་གཅིག་རྐང་འཛིན་ཐོག་དོ་སྣང་དེ་ཙམ་མེད་པ་དང་། ལྷག་པར་འཕྲུལ་རིག་གི་དུས་ཚོད་འདིར་ལག་ཐོགས་ཁ་པར་ལ་སོགས་པའི་ཐོག་སློབ་གཉེར་གནང་ཐུབ་ན་བོད་པའི་སྤྱི་ཚོགས་ཙམ་མ་ཟད་རང་ཉིད་ལ་ཕན་ཐོགས་ཡོད་སྐོར་སོགས་གསུངས་གྲུབ་མཚམས་ཤེས་རིག་ཤེས་ཡོན་ཚན་པའི་འགན་འཛིན་བསྟན་འཛིན་རྡོ་རྗེ་ལགས་ནས་ཐུགས་རྗེ་ཆེ་ཞུའི་གསུང་བཤད་གནང་སྟེ་དབུ་འབྱེད་མཛད་སྒོ་མཇུག་སྒྲིལ། 

ཐེངས་འདིའི་ཟབ་སྦྱོང་ཐོག་སཾ་བྷོ་ཊ་ཁྱབ་ཁོངས་ནས་སློབ་སྤྱི་དང་དགེ་ཆེ་གྲངས་ ༢༨ དང་། དྷ་ས་བོད་ཁྱིམ་ཁྱབ་ཁོངས་ནས་ ༨། མ་སུ་རི་བོད་ཁྱིམ་ཁྱབ་ཁོངས་ནས་ ༤། བལ་ཡུལ་གངས་ཅན་བདེ་རྩ་ཁྱབ་ཁོངས་ནས་ ༣ བཅས་ཁྱོན་བསྡོམས་སློབ་སྤྱི་དང་དགེ་ཆེ་གྲངས་ ༤༣ མཉམ་ཞུགས་གནང་ཡོད་པ་བཅས།།