༄༅། །ཕྱི་ལོ་ ༢༠༢༥ ཟླ་བ་ ༡ ཚེས་ ༦ ཉིན་བོད་མིའི་སྒྲིག་འཛུགས་ཀྱི་བདེ་སྲུང་བཀའ་བློན་རྒྱ་རི་སྒྲོལ་མ་མཆོག་དང་། བདེ་སྲུང་ལས་བྱེད་ཟླ་བ་སྒྲོལ་མ་ལགས་བཅས་འཇར་མ་ནིའི་གྲོང་ཁྱེར་སུ་ཊུཌ་གཌ་ (Stuttgart) ཏུ་རང་དབང་མང་གཙོ་ཚོགས་པའི་ (The Epiphany meeting for Free Democratic Party) ཞེས་པའི་ལྷན་ཚོགས་སུ་བཅར་ཡོད། སྐབས་དེར་ལས་རིམ་གཙོ་སྐྱོང་བས་མང་ཚོགས་བརྒྱ་ཕྲག་བརྒལ་བའི་ཁྲོད་བདེ་སྲུང་བཀའ་བློན་རྒྱ་རི་སྒྲོལ་མ་མཆོག་ངོ་སྤྲོད་གནང་ཞིང་། བདེ་སྲུང་བཀའ་བློན་མཆོག་ནས་ཀྱང་རང་དབང་མང་གཙོ་ཚོགས་པའི་ཚོགས་མི་གསར་རྙིང་ཡོངས་ལ་མཛའ་བརྩེའི་འཚམས་འདྲི་ཤུགས་ཆེ་གནང་ཡོད། གཞན་ཡང་སྐབས་དེར་བཀའ་བློན་མཆོག་གིས་འཇར་མ་ནིའི་རང་དབང་མང་གཙོ་ཚོགས་པའི་འཐུས་མི་གཙོ་གྲས་དང་། དེ་སྔ་འཇར་མན་དཔལ་འབྱོར་བཀའ་བློན་ཟུར་པ་སྐུ་ཞབས་ཁི་རིསི་ཊེན་ལེན་ཌར་ ( Christian Lindner) ལགས་དང་ཐུག་འཕྲད་གནང་ཡོད། ཁོང་རྣམ་པས་བོད་དོན་འཐབ་རྩོད་ལ་རྒྱབ་སྐྱོར་ཡོད་པའི་རྣམ་འགྱུར་ཤུགས་ཆེ་བསྟན་འདུག
དེ་བཞིན་རྒྱ་གར་ས་མཇ་ཝ་དི་པར་ཊི་ (Samajwadi Party) རྒྱལ་ཡོངས་མགྲིན་ཚབ་པ་སྐུ་ཞབས་གྷན་ཤྱམ་ཏི་ཝ་རི་ (Ghanshyam Tiwari) ལགས་དང་ཐུག་འཕྲད་གནང་འདུག་པ་བཅས།།
