༄༅། །ཕྱི་ལོ་ ༢༠༢༥ ཟླ་བ་ ༡ ཚེས་ ༥ ཉིན་བོད་མིའི་སྒྲིག་འཛུགས་ཀྱི་བདེ་སྲུང་བཀའ་བློན་རྒྱ་རི་སྒྲོལ་མ་མཆོག་དང་། བདེ་སྲུང་ལས་ཁུངས་ཀྱི་ལས་བྱེད་ཟླ་བ་སྒྲོལ་མ་ལགས་རྣམ་གཉིས་མུན་ཆེན་གནམ་ཐང་དུ་ཕེབས་འབྱོར་སྐབས་སུད་སི་སྐུ་ཚབ་དོན་གཅོད་ཁང་གི་འབྲེལ་ལས་བསྟན་འཛིན་ཆོས་བཟང་ལགས་དང་། འཇར་འཁོད་བོད་རིགས་ཚོགས་པའི་མུན་ཆེན་ས་གནས་ཀྱི་ཚོགས་གཙོ་རྣམ་རྒྱལ་ས་ཁང་ལགས། དེ་སྔའི་ཚོགས་གཙོ་དང་ཚོགས་མི་རྣམ་པ། གཞན་ཡང་ཕེབས་བསུ་སྐབས་ཐེངས་འདིའི་གཞུང་འབྲེལ་ཕྱོགས་ཕེབས་གོ་སྒྲིག་གནང་མཁན་འཇར་མན་རོགས་ཚོགས་ (Friedrich Naumann Foundation) ཀྱི་སྐུ་ཚབ་ལྕམ་ནུར་པུར་ཧ་སི་ཇ་ (Nurpur Hasija) ལགས་དང་སྐུ་ཞབས་ཕེ་རན་ཀི་ཧོབ་མན་ (Mr. Frank Hoffmann) ལགས་སོགས་ནས་ཕེབས་བསུ་གཟབ་རྒྱས་ཞུས་ཡོད།
དེ་རྗེས་བདེ་སྲུང་བཀའ་བློན་རྒྱ་རི་སྒྲོལ་མ་མཆོག་གིས་མ་རི་ཊིམ་ (Maritim Hotel) གསོལ་མགྲོན་ཁང་དུ་འཇར་མན་རང་དབང་མང་གཙོ་ཚོགས་པའི་གྲོས་ཚོགས་འཐུས་མི་སྐུ་ཞབས་མར་ཊིན་ཧེ་གན་ (Mr.Martin Hagen) ལགས་དང་མཇལ་འཕྲད་ཀྱིས་འབྲེལ་ལམ་གསར་པ་ཞིག་འཛུགས་ཐུབ་པ་བྱུང་ཡོད་པ་དང་། དེ་རྗེས་བཀའ་བློན་མཆོག་འཇར་མ་ནི་ས་གནས་ (Stuttgart) དུ་ཕེབས་ནས་ཐེངས་འདིར་འཇར་མན་རང་དབང་མང་གཙོ་ཚོགས་པའི་ (FDP) གྲོས་ཚོགས་འཐུས་མི་ལྕམ་སྐུ་རེ་ན་ཊ་ཨལཊ་ (Renata Alt) ལགས་དང་མཇལ་འཕྲད་ཀྱིས་འབྲེལ་ལམ་གསར་འཛུགས་ཐུབ་པ་བྱུང་འདུག ལྕམ་སྐུ་ཁོང་དགུང་ལོ་ཆུང་ཞིང་། འཇར་མན་གྲོས་ཚོགས་ཕྱི་འབྲེལ་ལས་དོན་ཚོགས་ཆུང་ནང་གི་འགྲོ་བ་མིའི་ཐོབ་ཐང་ཚན་པའི་འགན་འཛིན་གྱི་འགན་ཁུར་བཞེས་བཞིན་ཡོད་པ་དང་བཅས། །
