༄༅། །ཕྱི་ལོ་ ༢༠༢༥ ཟླ་བ་ ༠༡ ཚེས་ ༢༠ ཉིན་ཀྲུ་ཀྲིང་ས་གནས་འགོ་འཛིན་ལས་ཁུངས་ཀྱི་ས་གནས་འགོ་འཛིན་ཟུར་པ་བདེ་ཆེན་དབང་པོ་ལགས་དང་། ས་གནས་འགོ་འཛིན་གསར་པ་འཆི་མེད་རྡོ་རྗེ་ལགས་རྣམ་གཉིས་དབར་ལས་འགན་རྩིས་སྤྲོད་རྩིས་ལེན་གནང་ཡོད། སྐབས་དེར་རྩིས་སྤྲོད་རྩིས་ལེན་གྱི་ལས་དོན་ཆེད་ནང་སྲིད་སྐུ་ཚབ་ཏེ་ཛུ་དར་རྒྱས་གླིང་ས་གནས་འགོ་འཛིན་ཀུན་དགའ་འཇིགས་མེད་ལགས་སྤྲོད་དཔང་གི་འགན་ཁུར་བཞེས་པའི་ཐོག་ས་གནས་འགོ་འཛིན་གསར་རྙིང་དབར་ས་འགོའི་བདག་དབང་དུ་ཡོད་པའི་རྩ་འཛིན་ཡིག་ཆ་ཁག་གིས་གཙོས་ལས་ཁུངས་ཀྱི་ཡིག་སྣོད་སོགས་རྩིས་སྤྲོད་རྩིས་ལེན་གནང་ཡོད།  །