༄༅། །འདི་གར་ཚོགས་དྲུང་ལས་ཁུངས་ནས་བཏང་གནས་ནང་འཁོད་དོན། ཕྱི་ལོ་ ༢༠༢༤ ཟླ་བ་ ༡༢ ཚེས་ ༢༨ ཉིན་བཞུགས་སྒར་དྷ་རམ་ས་ལའི་ས་གནས་འགོ་འཛིན་ཚོགས་ཁང་ནང་དམག་དཔོན་ཟུར་པ་དང་། བདེ་སླར་ས་གནས་འགོ་འཛིན་ཟུར་པ་ཟླ་བ་ཤཱོརྱོ་ཅཀྲ་ལགས་ཀྱི་མི་ཚེའི་ལོ་རྒྱུས་ ‘རང་གི་མི་ཚེའི་མཐོང་ཐོས་མྱོང་གསུམ།’ ཞེས་པའི་དཔེ་དེབ་དབུ་འབྱེད་ཀྱི་མཛད་སྒོ་ཞིག་ཚོགས་གནང་འདུག

སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དང་། བཙན་བྱོལ་བོད་མི་རྣམས་ཕྱི་ལོ་ ༡༩༥༩ ནས་བཟུང་ད་བར་རྒྱ་གར་ནང་གནས་བཞུགས་ཀྱིས་ད་ཆ་རྒྱ་གར་ནི་ང་ཚོའི་ཕ་ཡུལ་གཉིས་པ་ལྟ་བུར་གྱུར་ཡོད། དེ་ཡང་༸གོང་ས་མཆོག་གི་ཐུགས་རྗེའི་བཀའ་དྲིན་འོག བོད་མིའི་སྒྲིག་འཛུགས་ཀྱི་ཐོག་ནས་རྒྱལ་སྤྱིའི་ནང་བོད་ཀྱི་འཐབ་རྩོད་ཀྱི་ནུས་པ་ཤུགས་ཆེར་འདོན་ཐུབ་པ་ནི། རྒྱ་གར་གྱི་ཐུགས་རྗེའི་བཀའ་དྲིན་ཆགས་ཀྱི་ཡོད་ཅིང་།  བཀའ་དྲིན་ཆེན་པོ་ཆགས་པ་གཞིར་བཟུང་ཟླ་བ་ཤཽརྱ་ཅཀྲ་ལགས་ཀྱིས་གཙོས་པའི་བཙན་བྱོལ་བོད་མི་མང་པོ་ཞིག་གིས་རྒྱ་གར་གྱི་དམིགས་བསལ་མཐའ་མཚམས་སྲུང་སྐྱོབ་དམག་མིའི་ (Special frontier force) ནང་ཞུགས་ཡོད་པ་རེད།