༄༅། །ཕྱི་ལོ་ ༢༠༢༤ ཟླ་བ་ ༡༡ ཚེས་ ༢༨ དང་ ༢༩ ཉིན་གཉིས་རིང་བོད་མིའི་སྒྲིག་འཛུགས་འཕྲོད་བསྟེན་ལས་ཁུངས་ཀྱི་བཙན་བྱོལ་བོད་མིའི་སྨན་བཅོས་ལྟ་སྐྱོང་ཚན་པས་རྩིས་ལོ་ ༢༠༢༥་་་་༢༠༢༦ ལོའི་ལས་འཆར་གོ་སྒྲིག་གནང་ཕྱོགས་སྐོར་དྲ་ཐོག་ཚོགས་འདུ་ཞིག་ཚོགས་ཡོད།
དེ་ཡང་ཕྱི་ཚེས་ ༢༨ ཉིན་ཁུལ་གཞིར་བཟུང་བགྲོ་གླེང་དང་། ཕྱི་ཚེས་ ༢༩ ཉིན་གྱི་ཚོགས་ཐེངས་གཅིག་རིང་ལས་བྱེད་གསར་པ་རྣམས་ལ་སྦྱོང་བརྡར་གནང་ཡོད།
ཚོགས་འདུའི་ཐོག་མར་འཕྲོད་བསྟེན་དྲུང་ཆེ་བྱམས་པ་ཕུན་ཚོགས་ལགས་ཀྱིས་སྨན་བཅོས་ལྟ་སྐྱོང་ལས་གཞིའི་སྤྱི་ཡོངས་ཀྱི་སྒྲོམ་གཞི་དང་། བཙན་བྱོལ་བོད་མིའི་འཕྲོད་བསྟེན་བདེ་འཇགས་ཆེད་ལས་འགུལ་སྤེལ་བ་རྣམས་ངོ་སྤྲོད་གནང་ཡོད།
དེ་ནས་སྨན་སྦྱོང་ལྟ་སྐྱོང་ཚན་པའི་འགན་འཛིན་བསོད་ནམས་དོན་གྲུབ་ལགས་ཀྱིས་རྩིས་ལོ་ ༢༠༢༤་་་༢༠༢༥ ལོའི་ལས་བསྡོམས་སྙན་སྒྲོན་ཞུས་རྗེས་མོན་གྷོ་ས་གནས་འཕྲོད་བསྟེན་སྨན་ཁང་གི་འགན་འཛིན་བསོད་ནམས་ལྷ་མོ་ལགས་ཀྱིས་རང་ཉིད་ལས་གཞིའི་ནང་མཉམ་ཞུགས་གནང་བའི་བརྒྱུད་རིམ་གྱི་མྱོང་ཚོར་གསུངས། དེ་བཞིན་སྨན་བཅོས་ལྟ་སྐྱོང་ཚན་པའི་ལས་བྱེད་བཀྲ་ཤིས་མཚོ་མོ་ལགས་ཀྱིས་འཕྲོད་བསྟེན་ལས་ཁུངས་ཀྱི་ཕྱི་ལོ་ ༢༠༢༥་་་༢༠༢༦ ནང་དེབ་འགོད་ཚད་གཞི་འཇོག་ཚུལ་དང་། འདི་ལོའི་གཞིས་ཆགས་ཁག་ཏུ་འཕྲོད་བསྟེན་སྨན་ཁང་གི་འཆར་དངུལ་བགོ་སྐལ་སོགས་ཀྱི་སྐོར་འགྲེལ་བརྗོད་གནང་ཡོད། དྲ་ཐོག་ཚོགས་འདུའི་ཐོག་ལས་བྱེད་ ༦༢ ནས་མཉམ་ཞུགས་གནང་ཡོད་པ་བཅས།།
