༄༅། །བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ཉི་འོང་གི་བདམས་ཐོན་སྲིད་བློན་སྐུ་ཞབས་ཤི་གེ་རུ་ཨི་ཤི་བཱ་མཆོག་ལ་འཚམས་འདྲི་མཛད་ཡོད།
དེ་ཡང་མགོན་པོ་མཆོག་གིས། འདས་པའི་ལོ་ཤས་རིང་ངོས་རང་ཉི་འོང་དུ་བཅར་རྒྱུ་བྱུང་། ངོས་ཀྱི་སྙིང་རྗེ་ལྟ་བུའི་འགྲོ་བ་མིའི་གཞི་རྩའི་རིན་ཐང་དང་། ཆོས་ལུགས་མཐུན་སྒྲིལ་སོགས་གོང་འཕེལ་གཏོང་བའི་ལས་དོན། དེ་བཞིན་རྡུལ་ཕྲན་མཚོན་ཆ་ཚུད་པའི་གོ་མཚོན་མེད་པའི་འཛམ་གླིང་ཞིག་ཏུ་འགྱུར་བའི་ལས་དོན་བཅས་ལ་སྤྱི་ཚོགས་ཀྱི་གནས་རིམ་འདྲ་མིན་ནས་དོ་དབྱིངས་བསྟན་པར་ངོས་ཀྱིས་རྗེས་སུ་ཡི་རང་ཞུ་གི་ཡོད།
ངོས་ཀྱིས་ཉི་འོང་གི་མི་མང་རྣམས་ནས་ཉི་འོང་འདི་འཛམ་གླིང་གི་དེང་རབས་རྒྱལ་ཁབ་ཅིག་ཏུ་བསྒྱུར་བར་ཡིད་སྨོན་སྐྱེ་བཞིན་ཡོད་ལ། ཉི་འོང་གིས་འཛམ་གླིང་ལ་ཞི་བདེ་སྐྲུན་པའི་ལས་དོན་ཐོག་ཡང་ཡང་སྣེ་ཁྲིད་བྱས་ཡོད། ཁྱེད་ཀྱི་ལས་ཡུན་རིང་ཞི་བདེ་གོང་འཕེལ་དུ་གཏོང་ཐུབ་པའི་སྨོན་འདུན་ཡོད། ལྷག་པར་དུས་ཚོད་ངེས་མེད་སྐབས་འདིར་གྲོས་མོལ་དང་ཕྱི་འབྲེལ་ཐབས་ལམ་བརྒྱུད་ནས་དཀའ་ངལ་སེལ་ཐབས་ལ་མཉམ་རུབ་ཀྱིས་འབད་བརྩོན་བྱེད་རྒྱུ་ཧ་ཅང་གལ་ཆེན་པོ་ཡིན། ཞེས་དང་།
མཐར་༸མགོན་པོ་མཆོག་གིས་སྐུ་ཞབས་ཨི་ཤི་བཱ་མཆོག་ཉི་འོང་གི་མི་མང་རྣམས་ཀྱི་རེ་འདོད་སྐོང་ཐུབ་པ་དང་། འཛམ་གླིང་འདིར་སྔར་ལས་ལྷག་པའི་ཞི་བདེ་དང་། སྙིང་རྗེ་ལྡན་པ་བཞིན་བསྐྲུན་པར་བྱ་བ་ལམ་ལྷོངས་ཡོང་བའི་སྨོན་འདུན་མཛད་ཡོད་པ་བཅས།།
