༄༅། །ཕྱི་ལོ་ ༢༠༢༤ ཟླ་བ་ ༠༩ ཚེས ༢༩ དང་ ༣༠ བཅས་ཉིན་གཉིས་རིང་བོད་མིའི་སྒྲིག་འཛུགས་ཀྱི་ཕྱི་དྲིལ་ཞུ་གཏུག་ཚན་པས་རྒྱ་གར་གུ་ཇ་རཱཏ་མངའ་སྡེའི་སྦ་རོ་ཌ་མཱ་ཧཱ་རཱ་ཇཱ་ས་ཡ་ཇི་རཱའོ་གཙུག་ལག་སློབ་གཉེར་ཁང་དུ་དབུ་མའི་ལམ་གྱི་སྲིད་བྱུས་སྐོར་གོ་རྟོགས་ཀྱི་ཟབ་སྦྱོང་གོ་སྒྲིག་ཞུས་ཡོད།
དེ་ཡང་སྐབས་དེར་བོད་པའི་སློབ་ཕྲུག་གྲངས་ ༢༠ ཙམ་མཉམ་ཞུགས་གནང་ཞིང་། ཕྱི་དྲིལ་ཞུ་གཏུག་ཚན་པའི་བསྟན་འཛིན་ཀུན་མཁྱེན་ལགས་དང་། རིན་ཆེན་ལགས་གཉིས་ནས་དབུ་མའི་ལམ་གྱི་གོ་རྟོགས་སྤྱི་དང་། ལྷག་པར་བོད་མིའི་སྒྲིག་འཛུགས་ངོས་ནས་བོད་ཀྱི་གཞོན་སྐྱེས་རྣམས་ལ་བོད་རྒྱ་དཀའ་རྙོག་སེལ་ཐབས་ཀྱི་གཉིས་སྨན་དབུ་མའི་ལམ་གྱི་ཐོག་གོ་རྟོགས་སྤེལ་རྒྱུའི་གལ་ཆེན་དུ་ངོས་འཛིན་གནང་གི་ཡོད་སྐོར་ངོ་སྤྲོད་གནང་ཡོད།
ཟབ་སྦྱོང་གི་ཉིན་གཉིས་རིང་སློབ་ཕྲུག་རྣམས་ལ་དབུ་མའི་ལམ་གྱི་སྲིད་བྱུས་ཐོག་གོ་རྟོགས་གང་ལེགས་ཐོབ་རྒྱུའི་འབད་བརྩོན་གནང་གི་ཡོད་པ་བཅས།།
