༄༅། །འདི་གར་ཆོས་རིག་ལས་ཁུངས་ནས་བཏང་གནས་ནང་འཁོད་དོན། ཕྱི་ལོ་ ༢༠༢༤ ཟླ་བ་ ༩ ཚེས་ ༢ ནས་ ༦ བར་ཉིན་ལྔའི་རིང་ཨིན་ཡུལ་ཨོགྶ་ཕོཊ་གཙུག་ལག་སློབ་གྲྭ་ཆེན་མོར་ (University of Oxford) རྒྱལ་སྤྱིའི་ན་གཞོན་བོད་རིག་པའི་ཚོགས་འདུ་ཐེངས་བདུན་པ་འཚོགས་ཡོད། ཚོགས་འདུ་དེར་རྒྱལ་ཁབ་ཁག་བཅོ་ལྔ་ནས་ཚོགས་མི་ཁྱོན་བསྡོམས་ ༡༢༠ ཙམ་མཉམ་ཞུགས་གནང་ཡོད་འདུག

ཚོགས་འདུ་དེའི་ཐོག་བོད་མིའི་སྒྲིག་འཛུགས་ཆོས་རིག་ལས་ཁུངས་ཀྱི་བོད་ཀྱི་གྲངས་འཛིན་དཔེ་མཛོད་ཀྱི་ལས་འཆར་གྱི་ངོ་སྤྲོད་འགྲེམས་ཡིག་འགྲེམས་སྤེལ་ཞུ་རྒྱུ་དང་། ས་ཁྲའི་ནང་བཀོད་པའི་ཁྱབ་ཁོངས་དགོན་སྡེ་ཁག་གི་ངོ་སྤྲོད། དེ་བཞིན་ཚོགས་ཁང་ཁག་གཉིས་ནང་ངོ་སྤྲོད་གླེང་མོལ་གྱིས་དྲི་བ་དྲི་ལན་ཡང་ལྷུག་པོ་བྱུང་ཡོད་པ་མ་ཟད། གཙུག་ལག་སློབ་གྲྭ་ཆེན་མོ་དེའི་དཔེ་མཛོད་ཀྱི་བོད་ཡིག་སྡེ་ཚན་ནང་ཕྱག་ལས་གནང་མཁན་སྐུ་ཞབས་ཅལ་སི་མན་སན་ (Charles Menson) ལགས་དང་། རྒྱལ་སྤྱིའི་གཞོན་ནུའི་བོད་རིག་པའི་ཚོགས་འདུ་ཐེངས་བདུན་པའི་གོ་སྒྲིག་ཚོགས་ཆུང་གི་ཚོགས་མི་སྐུ་ཞབས་ཌེ་ནེལ་ (Daniel) ཨིན་ཇིའི་མི་རིགས་ཁག  ཨིན་ལན་སྐུ་ཚབ་དོན་གཅོད་ཕར་སི་བསོད་ནམས་ཚེ་རིང་ལགས་བཅས་ལ་བོད་ཀྱི་གྲངས་འཛིན་དཔེ་མཛོད་ཀྱི་ལས་འཆར་ངོ་སྤྲོད་དང་བཙན་བྱོལ་ནང་བོད་ཀྱི་རིས་མེད་ཆོས་སྡེ་ཁག་གི་སྐོར་སོགས་གོ་རྟོགས་གང་ལེགས་སྤེལ་ཐུབ་པ་བྱུང་ཡོད།

བོད་ཀྱི་གྲངས་འཛིན་དཔེ་མཛོད་ལས་འཆར་འདི་ནི་ཨ་རིའི་རོགས་ཚོགས་ནས་བོད་མིའི་སྤྱི་ཚོགས་ནང་རིག་གཞུང་སོར་ཆུད་ནུས་པ་གོང་སྤེལ་ཞེས་པའི་ལས་གཞིའི་འོག་རོགས་དངུལ་མཐུན་འགྱུར་གནང་བ་ཞིག་ཡིན། །