༄༅། །འདི་གར་ཆེས་མཐོའི་ཁྲིམས་ཞིབ་ཁང་ནས་བཏང་གནས་ནང་འཁོད་དོན། མེའོ་ས་གནས་འགོ་འཛིན་གྱི་ལས་ཚབ་དྲུང་ཡིག་ཚེ་རིང་ནོར་བུ་ལགས་ཀྱིས་འགན་འཁུར་འོག་ས་འཐུས་ཚོགས་མི་གསར་འདེམས་རྣམས་དང་། ས་གནས་འོས་བསྡུ་ཚོགས་མི་ ༥། ས་གནས་ལས་ཁུངས་ཀྱི་ལས་བྱེད་ཆ་ཚང་བཅས་ཚང་འཛོམས་ཀྱིས། བྱང་ཕྱོགས་བོད་མིའི་ས་གནས་ཁྲིམས་ཞིབ་པ་ཆོས་སྐྱིད་ལགས་ནས་ཕྱི་ལོ་ ༢༠༢༤ ཟླ་ ༨ ཚེས་ ༣༡ ཉིན་སྔ་དྲོའི་ཚོུད་ ༡༠ པ་སྟེང་དྲྭ་སྣང་ (virtual) བརྒྱུད་མེའོ་ཆོས་འཕེལ་གླིང་ས་གནས་འཐུས་ཚོགས་སྐབས་ ༡༢ པའི་བདམས་ཐོན་ས་འཐུས་ཚོགས་མི་ ༡༡ ནས་ཚོགས་མི་ ༡༠ མཉམ་ཞུགས་ཀྱིས་ས་གནས་ཁྲིམས་ཞིབ་པའི་མདུན་ནས་ས་འཐུས་ཀྱི་ལས་འཁུར་དམ་འབུལ་ཞུས་འདུག་པ་དང་། དེ་དག་གི་ཁོངས་ནས་ཚོགས་གཙོར་དབང་ཆེན་གྲགས་པ་ལགས་དང་ཚོགས་གཞོན་དུ་བསྟན་འཛིན་པ་སངས་ལགས་རྣམ་གཉིས་བདམས་ཐོན་གྱིས་ས་འཐུས་ཀྱི་ཚོགས་གཙོ་ཚོགས་གཞོན་གྱིས་ལས་འཁུར་དམ་བཅའ་འབུལ་བཞེས་ལེགས་གྲུབ་བྱུང་འདུག་པའི་གནས་ཚུལ་དུ། །