༄༅། །བོད་མིའི་སྒྲིག་འཛུགས་ཀྱི་དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་ཕྱི་ལོ་ ༢༠༢༤ ཟླ་བ་ ༩ ཚེས་ ༢༤ ནས་ཕྱི་ཟླ་ ༡༠ ཚེས་ ༥ བར་རྒྱ་གར་ཨུཏྟརཱ་ཁནྜ་ཁུལ་བོད་མིའི་ས་ཁུལ་ཁག་དང་། སིར་མོར་རྫོང་ཁོངས་བོད་མིའི་གཞིས་ཆགས་ཁག་ལ་འཚམས་གཟིགས། དེ་བཞིན་ཕྱི་ཟླ་ ༡༠ ཚེས་ ༣ ཉིན་དཔལ་ས་སྐྱ་ཆོས་སྒར་ནས་མགྲོན་འབོད་ལྟར་༸སྐྱབས་མགོན་ས་སྐྱ་༸གོང་ས་ཁྲི་ཆེན་རྡོ་རྗེ་འཆང་མཆོག་གི་༸སྐུའི་གྱ་སྟོན་བརྟན་བཞུགས་མཛད་སྒོར་ཕེབས་བཞུགས་གནང་རྒྱུ། ཕྱི་ཟླ་ ༡༠ ཚེས་ ༦ ནས་ ༡༥ བར་སུད་སི་དང་། ནི་དར་ལེནྜ།   ལུཀ་ཛམ་བརྒ། ཅེཀ་སྤྱི་མཐུན་རྒྱལ་ཁབ་བཅས་སུ་རང་རེའི་རྩ་དོན་དང་འབྲེལ་བའི་ལས་དོན་ཆེད་གནད་ཡོད་མི་སྣ་དང་བོད་དོན་རྒྱབ་སྐྱོར་ཚོགས་པའི་ཚོགས་མི་རྣམ་པ་མཇལ་འཕྲད། སུད་སི་གྲོང་སྡེ་ཛུ་རིག་ཏུ་ (Zurich Film Festival) དང་། ཅེཀ་སྤྱི་མཐུན་རྒྱལ་ཁབ་ཀྱི་རྒྱལ་ས་པཱ་རཱག་ཏུ་ (Forum 2020) བཅས་སུ་མཉམ་ཞུགས་གནང་རྒྱུ། དེ་རྗེས་ཚེས་ ༡༦ ནས་ ༢༢ བར་རྒྱ་གར་བྱང་ཤར་མངའ་སྡེ་འབྲས་ལྗོངས་སུ་རྟེན་གཞི་བྱས་པའི་གདན་ས་༸དཔལ་ཆེན་ཆོས་གླིང་ནས་མགྲོན་འབོད་ལྟར། ༸སྐྱབས་མགོན་རྒྱལ་བའི་རྒྱལ་ཚབ་སྐུ་ཕྲེང་དང་པོ་སྐུ་འཁྲུངས་ནས་མི་ལོ་ ༦༠༠ འཁོར་བའི་མཛད་སྟོན་དང་བརྟན་བཞུགས་ཀྱི་མཛད་སྐོར་ཕེབས་བཞུགས་གནང་རྒྱུ་བཅས་ཀྱི་ཆེད་གཞུང་འབྲེལ་ཕྱོགས་ཕེབས་གཏན་ཁེལ་ཡོད་པ་བཅས།།