༄༅། །བྱང་ཕྱོགས་བོད་མིའི་ས་གནས་ཁྲིམས་ཞིབ་པ་ཆོས་སྐྱིད་མཆོག་ནས་ཕྱི་ལོ་ ༢༠༢༤ ཟླ་ ༨ ཚེས་ ༡༠ ཉིན་སྔ་དྲོའི་ཚོུད་ ༡༠ པ་སྟེང་དྲྭ་སྣང་ (virtual) བརྒྱུད་སྦིར་སྡེ་དགེ་ས་གནས་འཐུས་ཚོགས་སྐབས་ ༩ པའི་འདེམས་ཐོན་ས་འཐུས་ཚོགས་མི་ ༡༥ ནས་ཚོགས་མི་ ༡༣ མཉམ་ཞུགས་ཀྱིས་ས་གནས་ཁྲིམས་ཞིབ་པའི་མདུན་ནས་ས་འཐུས་ཀྱི་ལས་འཁུར་དམ་འབུལ་ཞུས་འདུག་པ་དང་། དེ་དག་གི་ཁོངས་ནས་ཚོགས་གཙོར་ཚེ་རིང་རྡོ་རྗེ་ལགས་དང་། ཚོགས་གཞོན་དུ་ངག་དབང་འཕྲིན་ལས་ལགས་རྣམ་གཉིས་སྤྱི་མོས་བདམས་ཐོན་གྱིས་ས་འཐུས་ཀྱི་ཚོགས་གཙོ་ཚོགས་གཞོན་གྱིས་ལས་འཁུར་དམ་བཅའ་འབུལ་བཞེས་ལེགས་གྲུབ་བྱུང་འདུག་པ་བཅས།།