བོད་མི་མང་སྤྱི་འཐུས་དོན་གྲུབ་ཚེ་རིང་ལགས་ཀྱིས་ཨ་རིའི་མེ་ས་ཆུ་སེཌ་མངའ་སྡེའི་ཨེམ་ཧར་སིཊ་གྲོང་ཁྱེར་ནང་གནས་སྡོད་བོད་རིགས་རྣམས་ལ་གསུང་བཤད་གནང་བ།

གསར་ལས་ཁང་གི་གསར་འགོད་པས།

༢༠༢༤-༠༨-༢༠

༄༅། །འདི་གར་ཚོགས་དྲུང་ལས་ཁུངས་ནས་བཏང་གནས་ནང་འཁོད་དོན། ཕྱི་ལོ་ ༢༠༢༤ ཟླ་བ་ ༨ པའི་ཚེས་ ༣ ཉིན་ཕྱོགས་བཞུགས་བོད་མི་མང་སྤྱི་འཐུས་དོན་གྲུབ་ཚེ་རིང་ལགས་ཀྱིས་ཨ་རིའི་མེ་ས་ཆུ་སེཌ་མངའ་སྡེའི་ཨེམ་ཧར་སིཊ་ས་གནས་སུ་གནས་སྡོད་བོད་རིགས་རྣམས་ལ་གསུང་བཤད་དང་། མང་ཚོགས་ཀྱི་དྲི་བ་ཁག་ལ་ལན་འདེབས་གསལ་བཤད་གནང་ཡོད་འདུག

སྐབས་དེར་སྤྱི་འཐུས་དོན་གྲུབ་ཚེ་རིང་ལགས་ཀྱིས་གཙོ་བོ་བོད་ནང་གི་ད་ལྟའི་ཛ་དྲག་གི་གནས་སྟངས་སྐོར་དང་། བཙན་བྱོལ་བོད་མིའི་སྒྲིག་འཛུགས་ཀྱི་གནས་བབ། བོད་ཀྱི་སྐད་ཡིག་དང་རིག་གཞུང་གི་གལ་གནད། དང་བླངས་དཔྱ་དངུལ། བོད་རིགས་མ་ཡིན་པའི་ཆེད་དུ་ལག་དེབ་སྔོན་པོ་སོགས་ཀྱི་སྐོར་གསུངས་པ་དང་། དེ་བཞིན་ཕྱི་རྒྱལ་ཡུལ་གྲུ་ཁག་ལ་ཡོད་པའི་བོད་རིགས་སྤྱི་མཐུན་ཚོགས་པ་རྣམས་ཚགས་ཚུད་དགོས་རྒྱུ་ནི་བོད་ཀྱི་རྩ་དོན་སླད་གནད་འགག་ཆེན་པོ་ཆགས་ཀྱི་ཡོད་སྐོར་སོགས་གསུངས་འདུག་པ་བཅས། །