༄༅། །༸སྐྱབས་རྗེ་ཡོངས་འཛིན་གླིང་མཆོག་སྤྲུལ་རིན་པོ་ཆེ་མཆོག་ལ་སུད་སི་སེ་ར་ཐེག་ཆེན་གླིང་དགེ་རྩ་ཚོགས་པ་ནས་ཇི་ལྟར་གསོལ་བ་ཕུར་ཚུགས་སུ་བཏབ་པ་བཞིན་ཕྱི་ལོ་ ༢༠༢༤ ཟླ་བ་ ༨ ཚེས་ ༧ ཉིན་གྱི་ཕྱི་དྲོ་ཚུ་ཚོད་ ༠༥།༠༠ ཐོག་ཛུ་རིག་གནམ་ཐང་དུ་ཆིབས་བསྒྱུར་སྐབས་སུད་སི་སྐུ་ཚབ་དོན་གཅོད་འཕྲིན་ལས་ཆོས་སྐྱིད་ལགས་གཙོས་པའི་རི་ཀོན་མཁན་པོ་དང་། དགེ་འདུན་པ་རྣམ་པ། བོད་རིགས་ཚོགས་པའི་ཚོགས་གཙོ། སེར་སྐྱ་མང་ཚོགས་བཞི་བཅུ་ལྷག་ནས་ཕེབས་བསུ་ཞུས་ཡོད།

དེ་རྗེས་ས་གནས་ལུ་རྫན་དུ་ཆིབས་སྒྱུར་གྱིས་བཞུགས་ཞག་གནང་རྒྱུ་དང་། ཚེས་ ༠༨ ཞོགས་པ་ཆུ་ཚོད་དགུ་དང་ཕྱེད་ཀར་མི་མང་ལ་བཀའ་སློབ་སྩལ་རྒྱུ་མ་ཟད། ཚེས་དགུ་ཉིན་རྒྱབ་ས་གནས་སྦན་ (Bern) ལ་ཆིབས་སྒྱུར་གནང་རྒྱུ། ཕྱི་ཚེས་ ༡༡ ཉིན་སུད་སི་རྒྱལ་ས་སྒྲེལ་ཀྲིན་ཀོང་ (Dietikon) དུ་དད་ལྡན་རྣམས་ལ་སྨན་བླའི་རྗེས་གནང་དང༌། རྗེ་བཙུན་འཇམ་དཔལ་དབྱངས་ཀྱི་ལྗགས་ལུང་གནང་རྒྱུའི་མཛད་འཆར་ཡོད་པ་བཅས།།