༄༅། །ཕྱི་ལོ་ ༢༠༢༤ ཟླ་བ་ ༠༧ ཚེས་ ༡༥ ཉིན་སྤུ་རུ་ཝ་ལ་ས་སྐྱ་གཞིས་ཆགས་སུ་ཉེ་ལམ་ཨ་རིའི་སྲིད་འཛིན་ཇོ་བྷའི་ཊེན་མཆོག་གིས་བོད་རྒྱའི་དཀའ་རྙོག་སེལ་ཐབས་ཀྱི་ཁྲིམས་ཡིག་གཏན་འབེབས་གནང་བར་བཀའ་དྲིན་ཆེ་ཞུའི་མཛད་སྒོ་ཞིག་ཚོགས་ཡོད།
དེ་ཡང་གོང་ཚེས་ཉིན་ས་གནས་འགོ་འཛིན་བསྟན་འཛིན་རྣམ་རྒྱལ་ལགས་ཀྱིས་བོད་རྒྱའི་དཀའ་རྙོག་སེལ་ཐབས་ཀྱི་ཁྲིམས་ཡིག་འདིའི་གལ་གནད་དང་། ཨ་རིའི་སྲིད་གཞུང་ལ་ཐུགས་རྗེ་ལེགས་འབུལ་ཞུས་ཡོད།
དེ་ནས་མ་སུ་རི་བོད་ཁྱིམ་གྱི་དྲུང་ཆེ་ཟུར་པ་དགེ་འདུན་རིན་ཆེན་ལགས་ཀྱིས་ཁྲིམས་ཡིག་གི་གལ་གནད་སྐོར་གསུང་བཤད་གནང་རྗེས་ཚོགས་བཅར་རྣམས་ཀྱིས་རྩེད་རིགས་དང་།སྒོར་གཞས་འཁྲབ་ཡོད།
ས་གནས་བོད་ཀྱི་གཞོན་ནུ་ཚོགས་པ་དང་། ས་གནས་བུད་མེད་ལྷན་ཚོགས། ས་སྐྱ་བོད་མིའི་ཚོགས་པས་ཉིན་གུང་ཞལ་ལག་གོ་སྒྲིག་ཞུས་ཡོད་པ་བཅས།།
