༄༅། །བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ཕྱི་ལུགས་ལྟར་དགུང་གྲངས་ ༨༩ ལ་ཕེབས་པའི་༸སྐུའི་འཁྲུངས་སྐར་གྱི་དུས་ཆེན་དང་བསྟུན། ཕ་རན་སཱའི་གྲོས་ཚོགས་གོང་མའི་འཐུས་མི་ཇ་ཁ་ལིན་ཨུས་ཊ་ཆེ་  (Jacqueline Eustache-Brinio) ལགས་ཀྱི་སྣེ་ཁྲིད་འོག་ཕ་རན་སིའི་གྲོས་ཚོགས་འཐུས་མིའི་བོད་དོན་རྒྱབ་སྐྱོར་ཚོགས་པས་གསར་འགོད་བསྒྲགས་གཏམ་ཞིག་སྤེལ་ཏེ། སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་སྐུའི་གསང་གསུམ་གྱི་མཛད་པ་འཕྲིན་ལས་དང་། སྐུ་ཕྲེང་རིམ་བྱོན་ནི་བོད་མི་མང་དང་བོད་བརྒྱུད་ནང་བསྟན་གྱི་བྲལ་དུ་མེད་པའི་ཆ་ཤས་ཤིག་ཡིན་པ་གསལ་སྟོན་གནང་ཡོད།

དེ་བཞིན་བསྒྲགས་གཏམ་ནང་ནན་གཏན་གྱིས་རྒྱ་ནག་གཞུང་གིས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་ཡང་སྲིད་ངོས་འཛིན་གནང་སྒོར་ཐེ་བྱུས་བྱེད་བཞིན་པར་ངོས་ལེན་བྱ་ཐབས་མེད་ཅིང་། མགོན་པོ་མཆོག་གི་ཡང་སྲིད་ནི་བོད་མི་རྣམས་ནས་ཆོས་ཕྱོགས་ཀྱི་གནང་སྒོ་གཞིར་བཟུང་ངོས་འཛིན་གནང་གི་ཡོད་པ་ནན་བརྗོད་གནང་ཡོད།

གཞན་ཡང་བསྒྲགས་གཏམ་དེའི་ནང་གྲོས་ཚོགས་འཐུས་མི་རྣམ་པས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་སྤྱིར་འཛམ་གླིང་དང་། སྒོས་བོད་མི་རྣམས་ཀྱི་བདེ་དོན་སླད་བསྐྱངས་པའི་མཛད་པ་འཕྲིན་ལས་གསལ་སྟོན་གནང་ཡོད་པ་བཅས།།