༄༅། །བོད་མིའི་སྒྲིག་འཛུགས་ནང་སྲིད་ལས་ཁུངས་ཀྱི་ཁྱབ་ཁོངས་ན་གཞོན་རོགས་སྐྱོར་ཚན་པ་དང་། (Natio Cultus Consultancy LLP) ཞེས་པའི་ཚོགས་པ་ཟུང་སྦྲེལ་གྱི་གོ་སྒྲིག་འོག་ཨེ་མ་ཛཱོན་དྲྭ་ཐོག་བརྡ་འཕྲུལ་ཞབས་ཞུའི་ལས་རིགས་སྦྱོང་བརྡར་ཐེངས་བཞི་པ་དེ་བཞིན་ཕྱི་ལོ་ ༢༠༢༤ ཟླ་བ་ ༠༧ ཚེས་ ༠༡ ཉིན་རྒྱ་གར་ལྷོ་ཕྱོགས་སྦེང་ལོར་གྲོང་ཁྱེར་དུ་རྟེན་གཞི་བྱས་པའི་ཏཱ་ལའི་བླ་མ་མཐོ་རིམ་སློབ་གཉེར་ཁང་དུ་བསྐོང་ཚོགས་གནང་ཡོད།

དེ་ཡང་སྦྱོང་བརྡར་གྱི་དབུ་འབྱེད་མཛད་སྒོའི་ཐོག་སྐུ་མགྲོན་གཙོ་བོ་ཏཱ་ལའི་བླ་མ་མཐོ་རིམ་སློབ་གཉེར་ཁང་གི་སློབ་སྤྱི་འབུམ་རམས་པ་བསྟན་འཛིན་པ་སངས་ལགས་དང་། (Orbit Future Academy) བསྟི་གནས་ཁང་གི་ལས་འཆར་འགན་འཛིན་ཨ་པར་ན་སིངྷ་ལགས། ཟབ་ཁྲིད་པ་ཤི་ཕ་ལི་ལགས། ན་གཞོན་རོགས་སྐྱོར་ཚན་པའི་ལས་འཆར་འགན་འཛིན་བསོད་ནམས་བཀྲ་ཤིས་ལགས་ཕེབས་ཞུགས་ཐོག་སྦྱོང་བརྡར་དངོས་སུ་དབུ་འཛུགས་ཞུས་ཡོད།

ཐེངས་འདིའི་ཨེ་མ་ཛཱོན་དྲྭ་ཐོག་བརྡ་འཕྲུལ་ཞབས་ཞུའི་ལས་རིགས་སྦྱོང་བརྡར་ནང་བོད་མི་གཞོན་སྐྱེས་གྲངས་ ༡༡ མཉམ་ཞུགས་གནང་ཡོད་པ་བཅས།།