༄༅། །དབུས་བོད་མིའི་སྒྲིག་འཛུགས་ཀྱི་དཔལ་འབྱོར་ཁྱབ་ཁོངས་བུད་མེད་ནུས་སྟོབས་གོང་སྤེལ་ཚན་པའི་ཆེད་ཁྱད་ལས་པ་སྡེ་ཚན་འགན་འཛིན་ ༡ གསར་འདེམས་ཞུ་གཏན་འཁེལ་བས། གཤམ་གསལ་ཆ་རྐྱེན་ཚང་ཞིང་རང་རེའི་རྩ་དོན་ཐོག་སྲི་ཞུའི་ཞབས་འདེགས་ཞུ་བློ་ཡོད་རིགས་རྣམས་ནས་ཕྱི་ལོ་ ༢༠༢༤ ཟླ་ ༨ ཚེས་ ༡ ཕྱི་དྲོ་ཕྱག་ཚོད་ ༢ པ་འགྱངས་མེད་དྲྭ་ཐོག་ (online) འཚང་སྙན་འགེངས་འབུལ་ཞུ་དགོས།
ཀ༽ གོང་གསལ་གནས་རིམ་དུ་འཚང་སྙན་འབུལ་མཁན་རྣམས་ནས་གཤམ་གསལ་ཡིག་ཆ་དང་ལག་ཁྱེར་རྣམས་དྲྭ་ཐོག་འབུལ་ལམ་ཞུ་དགོས།
༡༽ ཤེས་ཚད་ལག་ཁྱེར། ཚད་ལྡན་མཐོ་སློབ་ཞིག་ནས་ (Master Degree in Social Work, MA in Sociology, MA in Women and Gender Studies or MA in Human Rights) བཅས་གང་རུང་ཐོག་གཙུག་ལག་རབ་འབྱམས་ཐོན་པའི་ལག་ཁྱེར་དང་གྲུབ་འབྲས་ཨང་ཤོག་ཡོད་པ་དགོས།
༢༽ གོང་གསལ་ཤེས་ཚད་སྟེང་ཁྱད་ལས་དེའི་ཐོག་ལོ་གཅིག་ཉམས་མྱོང་ཡོད་པ་དགོས།
༣༽ སྐྱེས་ཚེས་ལག་ཁྱེར་དང་། ལོ་ཚད།
༢་༡། ཁྲིམས་མཐུན་སྐྱེས་ཚེས་ལག་ཁྱེར་རམ་ (Birth Certificate) ཡང་ན། སྐྱེས་ཚེས་འཁོད་ཡོད་པའི་འཛིན་གྲྭ་བཅུ་པའི་ལག་ཁྱེར། (Class X pass certificate)
༢་༢། ༢༠༢༤།༨།༡ ཉིན་རང་ལོ་ ༢༥ ལས་མི་ཉུང་ཞིང་། རང་ལོ་ ༤༠ ལས་མ་བརྒལ་བ་དགོས།
༤༽ དང་བླངས་དཔྱ་དངུལ་ལག་དེབ་ཀྱི་ཤོག་གྲངས་དང་པོ་དང་། གཉིས་པ། འབུལ་འབབ་གཙང་ཕུལ་ཟིན་པའི་མཐའ་མའི་ངོ་ཤོག
༥༽ གནས་ཡུལ་རྒྱལ་ཁབ་ནང་ཁྲིམས་མཐུན་གནས་སྡོད་ཆོག་པའི་ལག་ཁྱེར་ (RC or Aadhar card)
༦༽ བོད་མིའི་སྒྲིག་འཛུགས་ཀྱི་འཕྲོད་བསྟེན་ལས་ཁུངས་ཁྱབ་ཁོངས་རྒྱ་བོད་སྨན་ཁང་ཡོད་ན་དང་། དེ་མིན་སྨན་ཁང་ཚད་ལྡན་གང་རུང་ནས་ནད་གཅོང་དང་འགོས་ནད་རིགས་མེད་པར་གཟུགས་བབ་ལས་འཕེར་ཡིན་པའི་སྨན་པའི་ངོས་སྦྱོར་ཁ་གསར་སྟེང་རང་ཉིད་ཀྱི་འདྲ་པར་མཉམ་སྦྱར་ཐོག་སྨན་པའི་ལས་དམ་དང་། ས་རྟགས་འཁོད་པ།
༧༽ འབྲེལ་ཡོད་ས་གནས་འགོ་འཛིན་ནས་བྱ་སྤྱོད་ཐལ་སྐྱོན་མེད་པའི་ངོས་སྦྱོར་ (Character Certificate)
༨༽ སྡེ་ཚན་དང་། ཚོགས་སྐྱིད་གང་རུང་ནང་ལས་ཀ་བྱེད་མུས་ཡིན་ཚེ་དགག་བྱ་མེད་པའི་ངོས་སྦྱོར།
ཁ༽ རྒྱུགས་གཞི།
བོད་ཨིན་གཉིས་ཀྱི་སྐད་ཡིག་ནང་ངག་རྒྱུགས་ལེན་རྒྱུ།
ག༽ རྒྱུགས་འཕྲོད་པར། ངག་རྒྱུགས་ལ་ཉུང་མཐའི་བརྒྱ་ཆ་ ༥༠ ཐམ་པ་ལོན་པ་དགོས།
འཚང་སྙན་འབུལ་མཁན་རྣམས་ནས་གཤམ་གསལ་དྲྭ་མཐུད་ནང་ཡོད་འཚང་སྙན་འགེངས་ཤོག་ཞིབ་བཀང་གིས་ཕྱི་ལོ་ ༢༠༢༤ ཟླ་ ༨ ཚེས་ ༡ ནང་ཚུན་དྲྭ་ཐོག་འབུལ་ལམ་ཞུ་དགོས། དུས་བཀག་རྗེས་འཚང་སྙན་ཕུལ་འབྱོར་རིགས་རྩིས་མེད་ཡིན། དུས་ཐོག་འགེངས་ཤོག་འབྱོར་ཞིང་འོས་ཆོས་ཚང་བ་རྣམས་ལ་ཡིག་རྒྱུགས་གཏོང་སླད་སྐབས་མཚམས་འབོད་བརྡ་གཏང་རྒྱུ་བཅས་ཀྱི་གསལ་བསྒྲགས་སུ། ལས་བྱེད་འདེམས་བསྐོ་ལྷན་ཁང་ནས་ ༢༠༢༤ ཟླ་ ༧ ཚེས་ ༢ ལ།།
འཚང་སྙན་འགེངས་ཤོག་དྲྭ་མཐུད། (Online application link)
https://forms.gle/UdacY6cncKkmhevbA
Contact address & email :
Secretary
Public Service Commission
Central Tibetan Administration
Gangchen Kyishong, Dharamsala-176215
Distt.Kangra(H.P)
E-mail:[email protected]
