༄༅། །བོད་མིའི་སྒྲིག་འཛུགས་ཆོས་རིག་ལས་ཁུངས་ནས་ཨ་རིའི་རོགས་ཚོགས་ཀྱི་མཐུན་འགྱུར་འོག་བོད་མིའི་སྤྱི་ཚོགས་ནང་རིག་གཞུང་སོར་ཆུད་ནུས་པ་གོང་སྤེལ་གྱི་ལས་གཞི་ཕྱི་ལོ་ ༢༠༢༣ ཟླ་ ༡༡ ནང་འགོ་འཛུགས་ཞུས་ཡོད་པ་དང་། ལས་གཞིའི་འདིའི་ཁོངས་བོད་རིགས་གཞོན་སྐྱེས་རྣམས་ཀྱི་དེང་དུས་འཕྲུལ་ལས་ནུས་པ་གོང་འཕེལ་དང་ལས་ཀའི་གོ་སྐབས་སྐྲུན་རྒྱུའི་ཆེད་དུ་རྒྱ་གར་ལྷོ་ཕྱོགས་སྦེང་ལོར་དུ་རྟེན་གཞི་བྱས་པའི་ (Image Creative Education) ཞེས་པའི་ནང་འགུལ་བརྙན་བཟོ་སྒྲིག་གི་སློབ་ཡོན་གོ་སྐབས་ཤིག་འབུལ་རྒྱུ་ཡིན།
བོད་རིགས་གཞོན་སྐྱེས་ཁྲོད་ནས་སློབ་ཡོན་དེའི་ནང་ཞུགས་འདོད་ཡོད་ཚེ། གཤམ་འཁོད་དགོས་མཁོའི་ཡིག་ཆ་ཁག་དང་ལྷན་དུ་སྙན་ཞུའི་འགེངས་ཤོག་བཀང་སྟེ། ཕྱི་ལོ་ ༢༠༢༤ ཟླ་ ༧ ཚེས་ ༡༢ འགྱངས་མེད་ཆོས་རིག་ལས་ཁུངས་ཀྱི་གློག་འཕྲིན་ཁ་བྱང་ [email protected] ཐོག་འབུལ་དགོས། ཆོས་རིག་ལས་ཁུངས་ནས། ཕྱི་ལོ་ ༢༠༢༤ ཟླ་ ༦ ཚེས་ ༡༨ ཉིན།།
མཐུན་འགྱུར་ཁག
༡། ཟླ་རེར་འཚོ་སྣོན་སྒོར་ ༦,༠༠༠ རེ།
༢། ཡིག་ཆས་ཉོ་ཆེད་སྒོར་ ༡༠,༠༠༠།
༣། བཞུགས་ཡུལ་ས་གནས་ནས་སྦེང་ལོར་བར་གྱི་ལམ་གྲོན།
༤། སློབ་ཡོན་རིན། སྒོར་ ༡,༧༠,༠༠༠།
ཤེས་ཚད།
༡། ཉུང་ཐར་འཛིན་རིམ་བཅུ་གཉིས་ཐོན་པ།
༢། ཀམ་པུ་ཊར་ཐོག་སློབ་སྦྱོང་བྱས་པའི་ལག་འཁྱེར་ཡོད་པ་རྣམས་ལ་དམིགས་བསལ་གོ་སྐབས་འབུལ་རྒྱུ།
དགོས་ངེས་ཡིག་ཆ།
༡། སྙན་ཞུའི་འགེངས་ཤོག
༢། དང་བླངས་དཔྱ་དངུལ་གཙང་ཕུལ་ཟིན་པའི་ལག་དེབ་ཀྱི་དང་པོ་དང་མཐའ་མའི་ངོ་བཤུས།
༣། འཛིན་གྲྭ་བཅུ་གཉིས་ཐོན་པའི་ལག་འཁྱེར་ཀྱི་ངོ་བཤུས།
༤། རང་ཉིད་ཀྱི་ངོ་སྤྲོད་མདོར་བསྡུས། Resume in English
༼ཡིག་ཆ་ཁག་ལ་ས་གནས་འགོ་འཛིན་ནམ་བོད་མིའི་སྒྲིག་འཛུགས་ཀྱི་ཟུང་དྲུང་ཡན་གྱི་དག་མཆན་འགོད་དགོས།༽
