༄༅། །ཕྱི་ལོ་ ༢༠༢༤ ཟླ་བ་ ༠༤ ཚེས་ ༢༩ ནས་ཟླ་ ༥ ཚེས་ ༦ བར་བོད་མིའི་སྒྲིག་འཛུགས་ཀྱི་བུད་མེད་ནུས་སྟོབས་གོང་སྤེལ་ཚན་པའི་གོ་སྒྲིག་འོག་རྒྱ་གར་བྱང་ཤར་བསྟན་འཛིན་སྒང་བོད་མིའི་གཞིས་ཆགས་དང་། བསྟན་འཛིན་སྒང་སམ་བྷོ་ཊ་སློབ་གྲྭ ཤི་ལོང་བོད་མིའི་གཞིས་ཆགས་བཅས་སུ་ཕོ་མོ་འདྲ་མཉམ་དང་། ཕོ་མོ་དབྱེ་འབྱེད་ཀྱི་ཐོག་ནས་བྱུང་བའི་རྩུབ་སྤྱོད་སྐོར་ཟབ་སྦྱོང་ཞིག་འཚོགས་ཡོད་པ་རེད།
དེ་ཡང་ཟབ་སྦྱོང་གི་དགོས་དམིགས་ནི། བོད་མིའི་སྒྲིག་འཛུགས་ཀྱིས་གཏན་འབེབས་གནང་བའི་ཕོ་མོ་དབྱེ་འབྱེད་ཀྱི་ཐོག་ནས་བྱུང་བའི་རྩུབ་སྤྱོད་ཀྱི་ལམ་སྟོན་ངོ་སྤྲོད་དང་། ཐབས་ལམ། དེ་བཞིན་སྤྱི་ཚོགས་ཁྲོད་ཕོ་མོ་དབྱེ་འབྱེད་ཀྱི་ཐོག་ནས་བྱུང་བའི་འཚེ་བ་དང་རྩུབ་སྤྱོད་ཀྱི་སྐོར་གོ་རྟོགས་སྤེལ་རྒྱུ་ཡིན་པ་རེད། སྐབས་དེར་གཞིས་ཆགས་དང་སློབ་གྲྭའི་ནང་ཕོ་མོ་དབྱེ་འབྱེད་ཀྱི་ལམ་ལུགས་དང་། སྤྱི་ཚོགས་ཀྱི་སྒྲོམ་གཞི། དབང་ཆའི་རིང་ལུགས། ཕོ་མོ་དབྱེ་འབྱེད་ཀྱི་སྤྱི་ཚོགས་སོགས་ཀྱི་སྐོར་གོ་བསྡུར་གནང་ཡོད།
ལས་གཞི་འདི་ནི་ཨ་རིའི་རོགས་ཚོགས་ USAID དང་། བོད་ཀྱི་ཐེབས་རྩ་གཉིས་ཀྱིས་མཐུན་འགྱུར་གནང་བ་ཞིག་ཡིན་པ་བཅས།།
