༄༅།  །ཕྱི་ལོ་ ༢༠༢༤ ཟླ་བ་ ༤ ཚེས་ ༡༤ དང་ ༡༥ ཉིན་གཉིས་རིང་བལ་ཡུལ་དོན་ཁང་ཧི་མ་ལ་ཡའི་ནང་པའི་དཔེ་མཛོད་དང་ལེགས་བྱང་བསྟི་གནས་ཁང་དུ་བཀའ་ཟུར་༧སྐྱབས་རྗེ་ཀིརྟི་རིན་པོ་ཆེ་མཆོག་གིས་རྩོམ་སྒྲིག་གནང་བའི་སློབ་དེབ་བློ་གསལ་མགུལ་རྒྱན་ལག་བསྟར་གནང་ཡུལ་གྱི་སློབ་དགེ་རྣམས་ལ་སློབ་དཔོན་རེ་མདོ་སེངྒེ་ལགས་ནས་བལ་ཡུལ་དུ་སློབ་དེབ་ཁྲིད་ཐབས་ཀྱི་ཟབ་སྦྱོང་ཐེངས་དང་པོ་གནང་སྐབས་ཉིན་དང་པོའི་སྔ་དྲོའི་འཆར་མཛད་སྒོ་དབུ་འཛུགས་སྐབས་བལ་ཡུལ་སྐུ་ཚབ་དོན་གཅོད་རྩིབས་རི་ལོ་པཎ་སྤྲུལ་སྐུ་ལགས་དབུ་བཞུགས་ཀྱི་བལ་དོན་དྲུང་ཆེ་དང་། ས་གནས་འཐུས་ཚོགས་ཀྱི་ཚོགས་གཙོ་ཚོགས་གཞོན། ས་གནས་འགོ་འཛིན་རྣམ་པ། གཞན་ཡང་གཞུང་འབྲེལ་མི་སྣ་དང་རང་བདེན་ཚོགས་ཆུང་ཁག་གི་ཚོགས་གཙོ་སོགས་དགོན་སྡེ་གྲྭ་ཚང་གི་སྐུ་ཚབ། དེ་བཞིན་ཟབ་སྦྱོང་ལ་མཉམ་ཞུགས་པ་དགོན་སྡེ་གྲྭ་ཚང་ཁག་ ༣༦ ཙམ་ནས་སློབ་དགེ་གྲྭ་བཙུན་སྐྱ་གསུམ་ ༤༠ ལྷག་མཉམ་འཛོམས་ཀྱི་དབུ་འབྱེད་མཛད་སྒོ་ལེགས་པར་གྲུབ་མཚམས་ཟབ་སྦྱོང་དངོས་སུ་གནང་ནས་ཉིན་གཉིས་ཀྱིས་རིང་ཟབ་སྦྱོང་ལེགས་པར་གྲུབ་ཡོད་པ་བཅས། །