༄༅། །སྐབས་ ༡༧ པའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་ ༥ པའི་ཐོག་སྤྱི་མོོས་ཀྱིས་གཏན་འབེབས་ཞུས་པའི་གྲོས་ཆོད་དགོངས་དོན། རྒྱ་བལ་འབྲུག་གསུམ་དང་། ཕྱི་རྒྱལ་ཡུལ་གྲུ་ཁག་ནང་གནས་འཁོད་བོད་རིགས་དཔྱ་དངུལ་ལོ་མང་འབུལ་ཆད་སོང་བ་དང་། གསར་བཟོ་མ་ཐུབ་པ་རྣམས་ལ་བོད་ཀྱི་ཡུལ་མིའི་ལས་འགན་ལེན་ཐུབ་པའི་གོ་སྐབས་སྤྲོད་ཆེད། རྩིས་ལོ་ ༢༠༢༢་་་༢༠༢༣ བར་གྱི་དཔྱ་དངུལ་འབུལ་ཆད་སོང་བ་ལ་ཆག་ཡང་བརྒྱ་ཆ་ ༩༠ དང་འཕྲོས་བརྒྱ་ཆ་ ༡༠ དོ་བདག་ནས་སྡེབ་འབུལ་ལམ། ཆ་བགོས་ཀྱི་ཕྱི་ལོ་ ༢༠༢༣ ཟླ་ ༤ ཚེས་ ༡ ནས་ཕྱི་ལོ་ ༢༠༢༤ ཟླ་ ༣ ཚེས་ ༣༡ བར་ལེན་ཐུ་པ་དགོས་རྒྱུ་ཞེས་འཁོད་ཡོད་པ་དེ་ལྟར་ཡང་།
གྲོས་ཚོགས་ཚོགས་དུས་ ༧ པའི་ཐོག་ད་དུང་ཡང་ཆག་ཡང་གི་གོ་སྐབས་བཞེས་མ་ཐུབ་པ་གང་འཚམས་ཡོད་སྐོར་གླེང་སློང་བྱུང་བར་བརྟེན། འབུལ་འབབ་ཆག་ཡང་གི་དུས་ཚེས་ཕྱི་ལོ་ ༢༠༢༤ ཟླ་ ༩ ཚེས་ ༣༠ བར་འཕར་འགྱངས་ཆོག་པའི་སྤྱི་མོས་ཀྱིས་གཏན་འབེབས་གནང་བ་བཞིན་གོ་སྐབས་འདི་ཆུད་ཟོས་སུ་མི་གཏོང་བར་གོང་གསལ་དུས་ཡུན་ནང་ཞུ་ལེན་ཐུབ་པ་གནང་སྟེ། མུ་མཐུད་དཔྱ་དངུལ་བསྡུ་འབུལ་གྱིས་བོད་ཀྱི་ཡུལ་མིའི་ལས་འགན་བསྒྲུབ་ཐུབ་པ་གནང་གལ་བཅས་ཀྱི་གསལ་བསྒྲགས་སུ། དཔལ་འབྱོར་ལས་ཁུངས་ནས་ཕྱི་ལོ་ ༢༠༢༤ ཟླ་ ༤ ཚེས་ ༡༡ ལ།
