༄༅། །འདི་གར་ཨོ་གླིང་སྐུ་ཚབ་དོན་ཁང་ནས་བཏང་གནས་ནང་འཁོད་དོན། ཕྱི་ལོ་ ༢༠༢༤ ཟླ་ ༠༣ ཚེས་ ༠༦ ཉིན་ཨོ་གླིང་སིཌ་ཎི་བོད་རིགས་མཐུན་ཚོགས་ཀྱིས་གོ་སྒྲིག་འོག་རྒྱ་མིའི་གཞུང་ཚབ་མདུན་དུ་བོད་མི་གྲངས་སུམ་བརྒྱ་མ་ཟིན་ཙམ་གྱིས་ཡུལ་དེ་གའི་ཕྱི་དྲོ་ཚུ་ཆོད་ ༣:༣༠ ནས་ ༥། ༡༥ བར་རྒྱ་གཞུང་གིས་བཙན་གནོན་གྱིས་ཁམས་སྡེ་དགེའི་ཕྱོགས་སུ་ཆུ་མཛོད་གསར་རྒྱག་དང་འབྲེལ་ས་གནས་དེ་གར་འཚོ་སྡོད་བྱས་པའི་མི་ཚང་དང་། དགོན་པ་སོགས་གནས་སྤོས་བྱེད་དགོས་པའི་བཙན་གནོན་བྱས་པ་མ་ཟད། ཞུ་རྒོལ་བ་རྣམས་བཙོན་འཇུག་དང་རྡུང་རྡེག རྒྱལ་སྤྱི་སོགས་སྤྱི་དང་བྱེ་བྲག་གི་རྩ་ཁྲིམས་དང་བཅའ་ཁྲིམས་གང་ལའང་མི་མཐུན་པའི་རྒྱ་གཞུང་གིས་ནོར་འཁྲུལ་ཅན་གྱི་སྲིད་བྱུས་དེ་དག་ལ་མོས་མཐུན་པ་མ་ཟད། ལམ་ནོར་ལྡོག་ཤེས་ཀྱིས་ཕྱིར་འཐེན་དགོས་པའི་ངོ་རྒོལ་ལས་འགུལ་ཞིག་སྤེལ་བ་དང་།སྐབས་དེར་སིཌ་ཎི་བོད་རིགས་མཐུན་ཚོགས་ཀྱི་ཚོགས་གཙོ་རྔ་བ་ཆོས་འཛིན་ལགས་དང་ཚོགས་གཞོན་པ་སངས་སྐྱིད་པ་ལགས། གཞན་ཡང་བོད་མི་མང་སྤྱི་འཐུས་ཟུར་པ་གདོང་འདུས་སྐྱིད་འཛོམས་ལགས་བཅས་ཀྱིས་ལས་འགུལ་དང་འབྲེལ་བའི་གསུང་བཤད་གནང་སྟེ་མཇུག་ཏུ་ཚད་མེད་ཡོན་ཏན་དང་། བདེན་ཚིག་གསོལ་འདེབས་བཅས་གསུང་འདོན་གནང་སྟེ་ལས་འགུལ་མཇུག་བསྒྲིལ་ཡོད་པ་དང་། ལས་འགུལ་ནང་མཉམ་ཞུགས་གནང་མཁན་ནོར་ར་དང་། གནས་མཁར་གསར་སོགས་ས་ཆ་འདྲ་མིན་ནས་བོད་མི་མཉམ་ཞུགས་གནང་ཡོད་པ་རེད། །