༄༅། །ཕྱི་ལོ་ ༢༠༢༤ ཟླ་བ་ ༣ ཚེས་ ༢༧ ཉིན་གྱི་ཕྱི་དྲོ་ཆུ་ཚོད་ ༣ ཐོག་སྦན་དཱ་ར་ནོར་རྒྱས་གླིང་བོད་མིའི་གཞིས་ཆགས་སུ་རྟེན་གཞི་བྱས་པའི་སེར་བྱེས་ཐེག་ཆེན་གླིང་དགོན་པར་མཆོད་མཇལ་དུ་རྒྱ་གར་དབུས་འོས་བསྡུ་ལྷན་ཁང་གི་སྐུ་ཚབ་ཧར་ཤ་ཝར་དཱན་ (Harsh Vardhan) ལགས་དང་། རྫོང་དཔོན་གཞོན་པ་ཝ་རུན་ཀུ་མཱར་ (Varun Kumar Sahare) ལགས། ཁྲལ་བསྡུ་ལས་ཁུངས་ཀྱི་འབྲེལ་ལས་ཨ་ནི་རུ་ད་ཀམ་བྷེ་ལེ་ (Aniruddha Kamble) ལགས། གྷོ་ཊན་གའུ་ཤིང་ནགས་ལས་ཁུངས་ཀྱི་སྤྱི་ཁྱབ་བ་རུན་པ་ཝར་ (Varun Pawar) ལགས། ས་གནས་ཀྱི་ཉེན་རྟོགས་པ་པྲ་ཏབ་རའོ་བྷོ་ས་ལི་ (Pratap Rao Bhosale) ལགས་ཕེབས་གནང་ཡོད། 

སྐབས་དེར་རྒྱ་གར་གྱི་དཔོན་རིགས་རྣམས་ལ་ས་གནས་འགོ་འཛིན་བློ་གྲོས་བཟང་པོ་ལགས་ཀྱིས་བོད་དུ་ནང་ཆོས་དར་ཚུལ་དང་། སྦན་དཱ་ར་ནོར་རྒྱས་གླིང་བོད་མིའི་གཞིས་ཆགས་ཀྱི་བྱུང་རིམ་ལོ་རྒྱུས་ངོ་སྤྲོད། དེ་བཞིན་བཙན་བྱོལ་བོད་མིར་མཐུན་རྐྱེན་སྦྱོར་སྤྲོད་བྱེད་ཕྱོགས་ཀྱི་སྲིད་བྱུས་ ༢༠༡༤ གནས་སྟངས་སྐོར་གསལ་བཤད་ཞུས་ཡོད་པ་བཅས། །