༄༅། །འདི་གར་བྱང་ཨ་རི་སྐུ་ཚབ་དོན་ཁང་ནས་བཏང་གནས་ནང་འཁོད་དོན།   འདི་གར་གནས་ཚུལ་འབྱོར་བར་གཞིགས་ན།  ནིའུ་ཡོག་དང་ནིའུ་འཇར་སི་བོད་རིགས་སྤྱི་མཐུན་ཚོགས་པའི་རྒྱུན་ལས་དང་།  སྔ་ལོ་ཆེད་འཛུགས་བྱས་པའི་བོད་དོན་ཞུ་གཏུགས་ཚན་པའི་ཚོགས་ཆུང་གི་སྐུ་ཚབ་ཚོས་ཕྱི་ལོ་ ༢༠༢༤ ཟླ་བ་ ༣ ཚེས་ ༡༨ ཉིན་གྲོས་ཚོགས་གོང་མའི་འཐུས་མི་སྐུ་ཞབས་ Chuck Schumer ལགས་ཀྱི་ལས་ཁུངས་ཀྱི་ལས་འཆར་འགན་འཛིན་སྐུ་སྐྱེས་མ་ (Tandeep Kaur Sawney) ལགས་དང་ལྷན་དུ་མཇལ་འཛོམས་ཀྱིས་བོད་དོན་ཞུ་གཏུགས་གནང་འདུགནིའུ་ཡོག་དང་ནིའུ་འཇར་སི་བོད་རིགས་སྤྱི་མཐུན་ཚོགས་པའི་ཚོགས་གཙོ་ནོར་བུ་ཚེ་རིང་ལགས་ནས་འགྲེལ་བརྗོད་གནང་བར་གཞིགས་ན།  སྐུ་སྐྱེས་མ་ (Tandeep Kaur Sawney) ལགས་དང་མཇལ་སྐབས་སྤྱི་མཐུན་ཚོགས་པའི་ལས་དོན་སྐོར་ངོ་སྤྲོད་ཞུས་པ་ཕུད།  ཞུ་དོན་གཙོ་བོ་ནི།  བོད་རྒྱའི་དཀའ་རྙོག་སེལ་ཐབས་ཀྱི་ལོ་རྒྱུས་རང་བཞིན་ལྡན་པའི་ཁྲིམས་འཆར་ S. 138 ཨ་རིའི་གྲོས་ཚོགས་འོག་མའི་ནང་གཏན་འབེབས་ཟིན་ནས་གྲོས་ཚོགས་གོང་མའི་ནང་གོ་བསྡུར་གནང་བཞིན་པའི་སྐབས་ཡིན་སྟབས།  དེ་གཏན་འབེབས་ཡོང་ཐབས་ལ་སྐུ་ཞབས་ (Chuck Schumer) ལགས་ཀྱིས་ངེས་པར་དུ་རྒྱབ་སྐྱོར་ཡོང་བའི་འབོད་སྐུལ་ནན་པོ་ཞུས་ཡོད་པ་རེད་འདུག ལོ་གཅིག་ནང་གི་བོད་རིགས་སྤྱི་མཐུན་ཚོགས་པའི་མཛད་སྒོ་ཆེ་ཤོས་ཏེ།  འདི་ལོའི་སྐུའི་འཁྲུངས་སྐར་དུས་ཆེན་གྱི་མཛད་སྒོའི་སྐུ་མགྲོན་གཙོ་བོར་སྐུ་ཞབས་ (Chuck Schumer) ལགས་ཕེབས་གནང་ཡོང་བའི་མགྲོན་འབོད་ཞུས་ཡོད། ཅེས་ཚོགས་གཙོས་འགྲེལ་བརྗོད་གནང་གི་འདུག