༄༅། །ཕྱི་ལོ་ ༢༠༢༤ ཟླ་བ་ ༠༢ ཚེས་ ༢༡ ཉིན་རྡ་རམ་ས་ལའི་ས་གནས་འགོ་འཛིན་དཀོན་མཆོག་མིག་དམར་ལགས་ཀྱིས་ཀངྒ་རཱ་རྫོང་གི་རྫོང་དཔོན་གཞོན་པ་སྐུ་ཞབས་ཧ་རིཤི་གྷ་ཇུ་ལགས་དང་མཇལ་འཕྲད་གནང་ཡོད།

ས་གནས་འགོ་འཛིན་དཀོན་མཆོག་མིག་དམར་ལགས་ཀྱིས་སྐུ་ཞབས་ཧ་རི་ཤི་ལགས་ཀངྒ་རཱ་རྫོང་གི་རྫོང་དཔོན་གཞོན་པར་བསྐོ་བཞག་གནང་བར་འཚམས་འདྲི་ཞུས་པ་དང་ཆབས་ཅིག་རྡ་སར་གནས་སྡོད་བོད་མིའི་བདེ་སྡུག་ལ་མུ་མཐུད་རྒྱབ་སྐྱོར་གནང་སྐྱོང་ཡོང་བའི་འབོད་སྐུལ་ཞུས་པར་ཁོང་གིས་གང་ཐུབ་གནང་རྒྱུའི་ཞལ་བཞེས་གནང་ཡོད།

དེ་རྗེས་མེག་གྷན་ཉེན་རྟོག་ལས་ཁུངས་སུ་ཕེབས་ཏེ་ཉེན་རྟོག་པ་གསར་པ་དང་ཐུག་འཕྲད་ཀྱིས་བོད་མིའི་ཕྱིར་སྐྱོད་ལག་འཁྱེར་དང་། ཕྱིར་ལོག་ལག་འཁྱེར་སོགས་དུས་ཐོག་བསྐྱར་ཞིབ་གནང་རྒྱུའི་རེ་སྐུལ་ཞུས་ཡོད་པ་བཅས།།