༄༅། །ཕྱི་ལོ་ ༢༠༢༤ ལོའི་ཁྱིམ་ཐོ་ཞིབ་བཤེར་ཀྱི་ལས་གཞི་རྒྱ་གར་དབུས་དང་བྱང་ཕྱོགས་བོད་མིའི་གཞིས་ཆགས་ཁག་ཏུ་དངོས་སུ་དབུ་འཛུགས་གནང་ཡོད།

ཁྱིམ་ཐོ་ཞིབ་བཤེར་གྱི་ལས་གཞིའི་དགོས་དམིགས་ནི་བོད་མིའི་མི་འབོར་རྒྱུས་ལོན་ཆེད་ཡིན་ཞིང་། ཞིབ་བཤེར་བ་ཚོས་ཁྱིམ་ཚང་སོ་སོར་བཅར་ནས་གནས་ཚུལ་བསྡུ་རུབ་བྱེད་རྒྱུའི་ལས་གཞི་དངོས་སུ་འགོ་བཙུགས་ཡོད།དེ་ཡང་རྒྱ་གར་དབུས་དང་བྱང་ཕྱོགས་བོད་མིའི་གཞིས་ཆགས་ཁག་ཏུ་གནས་སྡོད་བོད་མི་རྣམས་ནས་ལས་གཞི་འདིར་མཉམ་ཞུགས་དང་རྒྱབ་སྐྱོར་གནང་བའི་རེ་སྐུལ་དང་། ལས་གཞི་འདི་བརྒྱུད་ས་གནས་མི་མང་གི་དགོས་མཁོ་དང་མཐུན་པའི་མ་འོངས་ལས་འཆར་དང་སྲིད་བྱུས་སྤེལ་བར་ཕན་རླབས་ཆེན་པོ་ཡོད་སྟབས། བོད་མིའི་སྒྲིག་འཛུགས་ངོས་ནས་མི་སྒེར་དང་། ཚོགས་པ་ཁག་བཅས་ནས་ལས་གཞི་འདིར་མཉམ་ཞུགས་གནང་བར་བསྔགས་བརྗོད་དང་ཐུགས་རྗེ་ཆེ་ཞུ་གི་ཡོད། ཁྱིམ་ཐོ་ཞིབ་བཤེར་བ་རྣམས་ནས་འབྱུར་འགྱུར་བདུན་ཕྲག་ཁ་ཤས་རིང་མུ་མཐུད་ལས་གཞི་འདི་བསྐྱངས་རྒྱུ་ཡིན་པ་བཅས།།