དཔལ་ལྡན་སྲིད་སྐྱོང་མཆོག་གིས་ MS Ramaiah གཙུག་ལག་སློབ་གཉེར་ཁང་གི་དགེ་ལས་སློབ་ཕྲུག་རྣམས་ལ་གསུང་བཤད་གནང་བཞིན་པ།
༄༅། །ཕྱི་ལོ་ ༢༠༢༤ ཟླ་ ༠༢ ཚེས་ ༨ ཉིན་བོད་མིའི་སྒྲིག་འཛུགས་ཀྱི་དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་སྦེང་ལོར་གྱི་ MS Ramaiah གཙུག་ལག་སློབ་གཉེར་ཁང་དུ་ཕེབས་ཏེ་གསུང་བཤད་གནང་ཡོད་པ་རེད།
དེ་ཡང་གོང་ཚེས་ཉིན་དཔལ་ལྡན་སྲིད་སྐྱོང་མཆོག་ལ་ MS Ramaiah གཙུག་ལག་སློབ་གཉེར་ཁང་གི་རིགས་བདག་སྐུ་ཞབས་ MR Jayaram མཆོག་དང་། དེ་བཞིན་དགེ་ལས་རྣམས་ནས་ཕེབས་བསུ་ཞུས་པ་ཡོད་པ་དང་། སྐབས་དེར་དཔལ་ལྡན་སྲིད་སྐྱོང་མཆོག་དང་ལྷན་དུ་ལྷོ་སྤྱི་འཇིགས་མེད་ཚུལ་ཁྲིམས་ལགས་ཀྱང་ཕེབས་ཞུགས་གནང་ཡོད།
དཔལ་ལྡན་སྲིད་སྐྱོང་མཆོག་ MS Ramaiah གཙུག་ལག་སློབ་གཉེར་ཁང་གི་ཚོགས་ཁང་དུ་ཕེབས་པ།
ཉིན་དེར་དཔལ་ལྡན་སྲིད་སྐྱོང་མཆོག་གིས་བོད་མཐོ་སྒང་གི་གོ་ལའི་རང་བཞིན་གྱི་གལ་གནད་དང་། རྒྱ་ནག་གིས་མཚོན་ཆ་སོགས་བརྒྱུད་ནས་བོད་ཀྱི་གཙང་པོར་ཇི་ལྟར་གནོད་ཚུལ་གྱི་སྐོར་འགྲེལ་བརྗོད་གནང་ཡོད། དེ་ནས་དཔལ་ལྡན་སྲིད་སྐྱོང་མཆོག་གིས་སློབ་ཕྲུག་དང་དགེ་རྒན་རྣམས་ལ་རྒྱ་ནག་གིས་བོད་བཙན་བཟུང་མ་བྱས་གོང་གི་བོད་རང་བཙན་གྱི་གནས་བབས་དང་། བོད་དང་རྒྱ་གར་བར་གྱི་ལོ་རྒྱུས་ཀྱི་འབྲེལ་བ་སོགས་ཀྱི་སྐོར་ལ་གསུང་བཤད་གནང་ཡོད། གསུང་བཤད་དེའི་རྗེས་དྲི་བ་དྲིས་ལན་གྱི་ཚོགས་ཐུན་ཐོག་ཞིག་འཚོགས་ཡོད་པ་དང་། ཚོགས་བཅར་བ་རྣམས་ནས་ཀྱང་དོ་སྣང་ཆེན་པོས་མཉམ་ཞུགས་གནང་ཡོད་པ་རེད།
དཔལ་ལྡན་སྲིད་སྐྱོང་མཆོག་གི་སྦེལ་ལོར་དུ་གཞུང་འབྲེལ་གྱི་མཛད་འཆར་མ་གྲུབ་གོང་སྦེང་ལོར་བོད་ཁྱིམ་སྡོད་ཁང་གི་སློབ་ཕྲུག་རྣམས་དང་མཇལ་འཕྲད་དང་བཀའ་མོལ་གནང་ཡོད་པ་བཅས།།
དཔལ་ལྡན་སྲིད་སྐྱོང་མཆོག་གཙུག་ལག་སློབ་གཉེར་ཁང་གི་འགན་འཛིན་དང་ལྷན་དུ་གྲོས་མོལ་གནང་བ།
དཔལ་ལྡན་སྲིད་སྐྱོང་མཆོག་སྦེང་ལོར་བོད་ཁྱིམ་སྡོད་ཁང་དུ་གསུང་བཤད་གནང་བ།
དཔལ་ལྡན་སྲིད་སྐྱོང་མཆོག་སྦེང་ལོར་བོད་ཁྱིམ་སྡོད་ཁང་དུ་གསུང་བཤད་གནང་བ།
