༄༅། །འདི་གར་ཚོགས་དྲུང་ལས་ཁུངས་ནས་བཏང་གནས་ནང་འཁོད་དོན། སྐབས་ ༡༧ པའི་བོད་མི་མང་སྤྱི་འཐུས་དགེ་བཤེས་རྔ་བ་གངས་རི་ལགས་དང་། སྤྱི་འཐུས་བསྟན་འཛིན་ཆོས་འཛིན་ལགས་རྣམ་གཉིས་ཕྱི་ལོ་ ༢༠༢༤ ཟླ་ ༡ ཚེས་ ༢༥ ཉིན་གྱི་དགོང་དྲོ་ཆུ་ཚོད་ ༩།༣༠ ཐོག་བྷོ་པལ་ (Bhopal) གནམ་ཐང་དུ་འབྱོར་སྐབས། ཧིན་བོད་མཛའ་འབྲེལ་ཚོགས་པའི་ཚོགས་མི་ཁག་ཅིག་གིས་ཕེབས་བསུ་ཞུས་ཤིང་། ཚེས་ ༢༦ ཉིན་གྱི་ཞོགས་པ་ཆུ་ཚོད་ ༩ པའི་ཐོག་སྐོར་བསྐྱོད་མགྲོན་ཁང་ (Circuit House) དུ་བོད་དོན་རྒྱབ་སྐྱོར་ཚོགས་པ་ (Bharat Tibbat Sahyog Manch (BTSM)) ཡི་འཐུས་མི་གྷི་རི་རཇ་  ཀི་ཤོར་ (Giriraj Kishore) ལགས་དང་། རྰ་དྷེ་ མ་ཧ་ར་ཇྰ་( Radhe Maharaj) ལགས།  ལྕམས་སྐུ་ཨ་ནི་ཏྰ་ (Anita) ལགས་དང་གཞན་ཡང་ལས་བྱེད་འགའ་ཞིག་བཞུགས་ཡུལ་མགྲོན་ཁང་དུ་འཚམས་འདྲིར་ཕེབས་ཏེ་བོད་དོན་ཞུ་བསྐུལ་དང་འབྲེལ་བའི་ལས་རིམ་ཐད་གོ་བསྡུར་དང་ཞིབ་ཕྲའི་མཛད་རིམ་བཟོས་གནང་ཡོད་འདུག དེ་རྗེས་ཆུ་ཚོད་ ༡༢ ཐོག་བྷོ་པལ་གྲོང་སྡེའི་སྤྱི་ཁྱབ་ལྕམ་སྐུ་མལ་ཏི་ རཡེ་ (Malti Rai) ལྷན་དུ་ཐུག་འཕྲད་གནང་སྟེ་བོད་ནང་གི་གནད་དོན་གཙོས་བོད་མིའི་སྒྲིག་འཛུགས་ངོ་སྤྲོད་ཞུས་ཡོད་འདུག

ཆུ་ཚོད་ ༡ པོའི་ཐོག་ཡུལ་དེའི་ཧིན་དྷུའི་དགོན་པ་གུ་ཕྷ་ མྣ་དྷིར་ (Gufa Mandir) གྱི་བླ་ཆེན་སྐུ་ཞབས་རམ་ པརྰ་ཝེཤ་ དྷས་ཇི་ མ་ཧ་རཇ་ (Ram Pravesh Dasji Maharaj) མཆོག་ལ་མཇལ་འཕྲད་ཀྱིས་བོད་སྤྱིའི་གནས་བབ་ཐོག་གླེང་མོལ་གནང་རྗེས་སྐུ་ཞབས་དྷི་ནེཤ་ ཡ་དཝ་ (Dinesh Yadav, member of Bhartiya Janta Yuva Murcha) ནས་ཉིན་གུང་གསོལ་ཚིགས་གྲ་སྒྲིག་གནང་བ་ལྟར་ཆུ་ཚོད་ ༢།༣༠ ཐོག་ཞལ་ལག་གྲུབ་རྗེས་སྐུ་ཞབས་པན་ཌིཏ་ བན་ཝར་ ལལ་ ཤར་མ་ ( Pandit Bhanwar Lal Sharma) མཆོག་ལ་འཚམས་འདྲི་དང་འབྲེལ་ཞུ་བསྐུལ་ལས་འགུལ་ཚགས་ཚུད་ཡོང་སླད་སྨོན་འདུན་དང་བཅས་བོད་མིའི་་སྒྲིག་འཛུགས་ངོ་སྤྲོད་ཞུས་ནས་བྷོ་པལ་མངའ་སྡེ་གཞུང་ནས་ཕེབས་འཁོར་དང་བཞུགས་གནས་ཆ་ཚང་གོ་སྒྲིག་གནང་ཡོད་པ་བཅས།།