༄༅། །ཕྱི་ལོ་ ༢༠༢༤ ཟླ་ ༡ ཚེས་ ༢༤ རེས་གཟའ་ལྷག་པ་ཉིན་ཀརནཱ་ཊཀ་མངའ་སྡེའི་སྤྱི་ཁྱབ་བློན་ཆེན་སྐུ་ཞབས་སིདྡ་ར་མ་ཧི་ཡ་ (Siddaramaiah) མཆོག་དང་སྤྱི་ཁྱབ་བློན་ཆེན་གཞོན་པ་སྐུ་ཞབས་ཤིབ་ཀུ་མཱར་(D.K.Shivakumar) མཆོག གཞན་ཡང་མངའ་སྡེའི་སོ་ནམ་ཞིང་ལས་ཀྱི་བློན་ཆེན་བཅས་སྦེལ་ཀོབ་གཞིས་ཆགས་ཀྱི་ཉེ་འགྲམ་ཀོབ་པ་ (Koppa) ས་གནས་སུ་གཞུང་དོན་འཚམས་གཟིགས་སུ་ཕེབས་སྐབས། འདི་གཞིས་སཾ་བྷོ་ཊ་ཉིན་སློབ་རྩེད་ཐང་དུ་ཐད་འཕུར་གནམ་གྲུ་བརྒྱུད་ཕེབས་འབྱོར་སྐབས་ལུགས་བདེ་གཉིས་ཀྱི་ས་གནས་འགོ་འཛིན་གཉིས་ནས་ས་གནས་བོད་མིའི་ཚབ་ཞུས་ཏེ་ཕེབས་བསུ་ཞུས་པ་དང་སྦྲགས། ས་གནས་བོད་མིའི་བདེ་དོན་དང་འབྲེལ་བའི་ཞུ་ཡིག་ཅིག་ཀྱང་ཕུལ་ཡོད་པ་བཅས།།