༡༽ དཔལ་ལྡན་སྲིད་སྐྱོང་སྤེན་པ་ཚེ་རིང་མཆོག་གིས་བོད་སློབ་ཁག་གི་འགན་འཛིན་རྣམས་ནས་བོད་ཕྲུག་གི་ཤེས་ཡོན་ཐུགས་ཁུར་ཞབས་ཞུ་བསྒྲུབས་པར་ལེགས་གསོལ་བསྔགས་བརྗོད་གནང་བ།
༢༽ ནང་སྲིད་ལས་ཁུངས་ནས་སྦེལ་ཀོབ་དང་ཧུན་སུར་བོད་མིའི་ཞིང་པ་རྣམས་ལ་སོ་ནམ་འདེབས་ལས་དང་འབྲེལ་བའི་སྦྱོང་བརྡར་གནང་བ།
༣༽ ཉི་འོང་སྐུ་ཚབ་དོན་ཁང་ནས་ཉི་འོང་གི་ས་འགུལ་གོད་ཆག་ཁྲོད་གནོད་སྐྱོན་འཕོག་མཁན་རྣམས་ལ་བསྔོ་སྨོན་གསུང་འདོན་གྱི་འདུ་འཛོམས་གོ་སྒྲིག་གནང་བ།
༤༽ ལྷོ་ཨ་རིའི་སྐུ་ཚབ་དོན་གཅོད་འཇིགས་མེད་ཚེ་རིང་ལགས་ཆུ་ཚོད་བརྒྱ་དང་བརྒྱད་ཀྱི་ཞི་བདེ་ཞེས་པའི་ལས་འགུལ་གྱི་སྐུ་མགྲོན་གཙོ་བོར་ཕེབས་ཞུགས་གནང་བ།
༥༽ ཤེས་རིག་ལས་ཁུངས་ཀྱིས་གོ་སྒྲིག་ཞུས་པའི་སཾ་བྷོ་ཊའི་ཁྱབ་ཁོངས་སློབ་གྲྭའི་འགན་འཛིན་རྣམས་ལ་དམིགས་པའི་འགོ་ཁྲིད་ཟབ་སྦྱོང་ལེགས་པར་མཇུག་སྒྲིལ་བ།
