༄༅། །མན་ཌཱི་ས་གནས་འགོ་འཛིན་བསྟན་འཛིན་ཚུལ་ཁྲིམས་ལགས་ཀྱིས་གསར་དུ་བསྐོ་བཞག་བྱུང་བའི་མན་ཌཱིའི་གྲོང་སྡེ་ལས་ཁུངས་ཀྱི་སྤྱི་ཁྱབ་ཝི་རེན་དར་བྷཊ་ཤར་མཱ་ (Virender Bhatt Sharma) ལགས་དང་། སྤྱི་ཁྱབ་གཞོན་པ་མ་དྷུ་རཱི་ཀ་པུར་ (Madhuri Kapoor) ལགས་རྣམ་གཉིས་དང་མཇལ་འཕྲད་ཀྱིས་འཚམས་འདྲི་ཞུས་ཡོད།

དེ་ཡང་ས་གནས་འགོ་འཛིན་བསྟན་འཛིན་ཚུལ་ཁྲིམས་ལགས་ཀྱིས་ཁོང་རྣམ་གཉིས་ཀྱིས་ད་བར་མན་ཌཱི་ཁུལ་གྱི་བོད་མི་རྣམས་ལ་རྒྱབ་སྐྱོར་གནང་བར་ཐུགས་རྗེ་ཆེ་ཞུས་པ་དང་སྦྲགས། གྲོང་སྡེ་སྤྱི་ཁྱབ་པ་གཞོན་པ་མ་དྷུ་རཱི་ལགས་ལ་ཧིན་བོད་མཛའ་འབྲེལ་ཚོགས་པའི་སྒྲོམ་གཞི་དང་ལས་འགན། ཧིན་བོད་མཛའ་འབྲེལ་ཚོགས་པའི་ད་ལྟའི་གནས་སྟངས། བོད་ནང་གི་ཛ་དྲག་གནས་སྟངས་སོགས་ངོ་སྤྲོད་གནང་ཡོད། དེ་བཞིན་མ་འོངས་བོད་དོན་ཞུ་གཏུག་ལས་འགུལ་ཁག་ལ་མཉམ་ཞུགས་དང་རྒྱབ་སྐྱོར་ཡོང་བའི་འབོད་སྐུལ་ཞུ་ཡོད།

མཐར་རྒྱ་གར་དབུས་གཞུང་དང་ཧི་མཱ་ཅལ་མངའ་སྡེའི་གཞུང་གཉིས་ནས་བོད་མིའི་བདེ་དོན་ཐོག་ཐུགས་སྣང་གནང་བར་བསྔགས་བརྗོད་དང་ཐུགས་རྗེ་ཆེ་ཞུས་ཡོད་པ་བཅས། །