༄༅། །བོད་མིའི་སྒྲིག་འཛུགས་འཕྲོད་བསྟེན་ལས་ཁུངས་ནས་ཕྱི་ལོ་ ༢༠༢༣ ཟླ་བ་ ༡༡ ཚེས་ ༡༤ ནས་ ༢༡ བར་བོད་མིའི་གཞིས་ཆགས་ཨི་ཌི་ཤ་དང་རྒྱ་གར་བྱང་ཤར་བསྟན་འཛིན་སྒང་དང་། ཊུ་ཊིང་། མེའོ། ཏེ་ཛུ་བཅས་སུ་རིན་མེད་མིག་བརྟག་དཔྱད་དང་གཤག་བཅོས་ཀྱི་ལས་གཞི་སྤེལ་ཡོད་པ་རེད།

དེ་ཡང་ཨོ་ཌི་ཤ་སྨན་ལྷ་སྨན་ཁང་དང་ནེ་ཏྲི་ཀཱ་མིག་གི་སྨན་གཉིས་ (Naitrika Super Specialty Eye Care) ཟུང་སྦྲེལ་གྱིས་མིག་གྱི་སྨན་པ་ཆེད་ལས་པ་ཨས་ཝ་ནི་ཀུ་མཱར་གྱི་ལམ་སྟོན་འོག་ལས་གཞི་སྤེལ་གནང་ཡོད། ལས་གཞི་དེར་ཁྱོན་བསྡོམས་མི་གྲངས་ ༡༣༡ བཅར་ཡོད་པ་དང་། དེ་དག་ལས་མི་གྲངས་ ༣༧ སྐྱ་འགྲིབ་ཅན་དང་། (pterygium) ཕོགས་པའི་མི་གྲངས་ ༡༠ བཅས་ཡོད། གང་ལྟར་མིག་སྐྱོན་ཅན་གྱི་མི་གྲངས་ ༣༣ ལ་གཤག་བཅོས་ཐོབ་ཡོད་པ་མ་ཟད་གཤག་བཅོས་རྗེས་ཀྱི་བལྟ་སྐྱོང་དང་ལམ་སྟོན་ཡང་ཐོབ་ཡོད།

དེ་བཞིན་རྒྱ་གར་བྱང་ཤར་ཁུལ་གྱི་གཞིས་ཆགས་ཁག་ཏུ་ (Drishti Netralaya eye center) དང་མེའོ་ས་གནས་འཕྲོད་བསྟེན་སྨན་ཁང་གཉིས་མཉམ་འབྲེལ་གྱིས་མི་གྲངས་ ༤༠༤ ལ་རིན་མེད་མིག་ཤེལ་དང་། མི་གྲངས་ ༡༨༧ ལ་མིག་གི་ན་ཚ་དང་འབྲེལ་བའི་བརྟག་དཔྱད། མི་གྲངས་ ༤༧ ལ་སྐྱ་འགྲིབ་གཙོས་པའི་ནད་རིགས་གཞན་རྣམས་ཀྱི་གཤག་བཅོས་ཀྱང་ཐོབ་ཡོད། ལས་གཞི་འདི་བོད་ཀྱི་ཐེབས་རྩའི་མཐུན་འགྱུར་རོགས་རམ་འོག་ལེགས་པར་གྲུབ་ཡོད་པ་བཅས། །