༄༅། །འདི་གར་ཚོགས་དྲུང་ལས་ཁུངས་ནས་བཏང་གནས་ནང་འཁོད་དོན། བོད་མི་མང་སྤྱི་འཐུས་ཀུན་དགའ་བསོད་སྟོབས་ལགས་དང་། སྤྱི་འཐུས་བསྟན་འཛིན་འཇིགས་བྲལ་ལགས་རྣམ་གཉིས་ལས་གྲུབ་པའི་བོད་མི་མང་སྤྱི་འཐུས་ལྷན་ཚོགས་ཀྱི་བོད་དོན་ཞུ་སྐུལ་ཚོགས་ཆུང་ནས་ཕྱི་ལོ་ ༢༠༢༣ ཟླ་ ༡༡ པའི་ཚེས་ ༢༦ ནས་ ༣༠ བར་ཉིན་གྲངས་ལྔའི་རིང་རྒྱ་གར་བྷི་ཧར་མངའ་སྡེའི་སྲིད་སྐྱོང་དང་། མངའ་སྡེའི་གྲོས་ཚོགས་གོང་འོག་གཉིས་ཀྱི་ཚོགས་གཙོ་སོགས་དང་མཇལ་འཕྲད་ཀྱིས་རྒྱལ་ས་པཊ་ན་ཁུལ་གྱི་བོད་དོན་ཞུ་སྐུལ་གྱི་ལས་རིམ་ཁག་ལེགས་གྲུབ་བྱུང་ཡོད།

དེ་ཡང་བོད་མི་མང་སྤྱི་འཐུས་ཀུན་དགའ་བསོད་སྟོབས་ལགས་དང་། སྤྱི་འཐུས་བསྟན་འཛིན་འཇིགས་བྲལ་ལགས་རྣམ་གཉིས་ཕྱི་ཚེས་ ༢༦ ཉིན་བྷི་ཧར་རྒྱལ་ས་པཊ་ནར་ཕེབས་འབྱོར་བྱུང་བ་དང་། སྐབས་དེར་རྒྱ་གར་བོད་དོན་རྒྱབ་སྐྱོར་ཚོགས་པའི་རྒྱལ་ཡོངས་ཟུང་སྦྲེལ་ཚོགས་གཙོ་སྐུ་ཞབས་སུ་རེན་དྷ་ར་ཀུ་མར་ (Surendra Kumar, National Co-Convener Core Group for Tibetan cause, India) ལགས་དང་། ས་གནས་ཧིན་བོད་མཛའ་འབྲེལ་ཚོགས་པའི་དྲུང་ཆེ་སྐུ་ཞབས་ཝི་ཨན་ཨུ་པ་དྷི་ཡེ་ (V N Upadhyay, General Secretary, ITFS Bihar) ལགས། ཚོགས་པའི་རྒྱལ་ཡོངས་མགྲིན་ཚབ་པ་ཀེ་ཝི་ཡ་དེབ་ (K V Yadav, National Spokesperson, ITFS) ལགས། ཚོགས་པའི་འཛིན་སྐྱོང་ཚོགས་མི་ཁྲིམས་རྩོད་པ་རེ་ཀེ་ཤི་ཐ་ཀུར་ (Rakesh Thakur, Advocate, Patna High Court, State Executive Member ITFS, Bihar) ལགས། ཚོགས་པའི་སློབ་ཕྲུག་ཚན་པའི་ཟུང་སྦྲེལ་ཚོགས་གཙོ་པར་ཤན་ཊ་གྷོ་ཏམ་ (Prashant Gautam, National Co-Convener ITFS, Student Wing) ལགས་བཅས་ནས་ཕེབས་བསུའི་སྣེ་ལེན་ཞུས་རྗེས། དགོང་དྲོ་སྤྱི་འཐུས་རྣམ་པ་གཉིས་ནས་ཇ་ན་ཏ་དྷལ་སྲིད་དོན་ཚོགས་པ་དང་། བྷི་ཧར་མངའ་ཁོངས་ནས་ཡིན་པའི་རྒྱ་གར་དབུས་གྲོས་ཚོགས་གོང་མའི་འཐུས་མི་སྐུ་ཞབས་ཨ་ནིལ་ཧེ་ཌེ་ (Shri Anil Hegde, Member of the Parliament of India representing Bihar in the Rajya Sabha, Janata Dal (United) party) མཆོག་དང་། བྷི་ཧར་མངའ་སྡེའི་གྲོས་ཚོགས་གོང་མའི་འཐུས་མི་དང་། ཇ་ན་ཏ་དྷལ་སྲིད་དོན་ཚོགས་པའི་རྒྱལ་ཡོངས་སྤྱི་ཁྱབ་དྲུང་ཆེ་སྐུ་ཞབས་ཨ་ཧྤག་ཨ་མེ་དྷ་ཁན་ (Shri Afaq Ahmad Khan, Member of Bihar Legislative Council and National General Secretary, JDU) མཆོག་རྣམ་གཉིས་དང་མཇལ་འཕྲད་གནང་འདུག

ཕྱི་ཚེས་ ༢༧ ཉིན་བོད་མི་མང་སྤྱི་འཐུས་རྣམ་པ་གཉིས་ནས་རྒྱ་གར་བྷི་ཧར་མངའ་སྡེའི་གཞུང་གི་བློན་ཆེན་ཟུར་པ་དང་། དབུས་གྲོས་ཚོགས་གོང་མའི་འཐུས་མི་ཟུར་པ་ཤི་ཝ་ནན་ཌི་ཏི་ཝ་རི་ (Shri. Shivanand Tiwari ji (RJD), former Rajya Sabha MP and former Cabinet minister of the Bihar government) མཆོག་དང་། བྷི་ཧར་མངའ་སྡེའི་སྲིད་སྐྱོང་སྐུ་ཞབས་ར་ཇེན་དྷར་ཝི་ཤི་ཝ་ན་ཏ་ཨར་ལེ་ཀར་ (His Excellency Shri. Rajendra Vishwanath Arlekar,Honourable Governer of Bihar) མཆོག མངའ་སྡེའི་གྲོས་ཚོགས་འོག་མའི་ཚོགས་གཙོ་ཨ་ཝ་དྷ་བྷི་ཧ་རི་ཅའོ་དྷ་རེ་ (Shri Awadh Bihari Choudhary, Honourable Speaker of Bihar Legislative Assembly) མཆོག བྷི་ཧར་མངའ་སྡེའི་གྲོས་ཚོགས་ཀྱི་ཁ་གཏད་ཚོགས་པའི་འགོ་ཁྲིད་སྐུ་ཞབས་ཝི་ཇེ་ཀུ་མར་སིང་ཧ་ (Shri Vijay Kumar Sinha (BJP), Opposition leader of Bihar Legislative Assembly) མཆོག་བཅས་དང་ལྷན་རིམ་པས་མཇལ་འཕྲད་གནང་ཡོད།

ཕྱི་ཚེས་ ༢༨ ཉིན་རྒྱ་གར་དབུས་གྲོས་ཚོགས་གོང་མའི་འཐུས་མི་དང་། རྒྱལ་སྤྱིའི་གྲོས་ཚོགས་འཐུས་མིའི་བོད་དོན་རྒྱབ་སྐྱོར་ཚོགས་ཆེན་ཐེངས་གཉིས་ཀྱི་ཐོག་བཅར་མྱོང་མཁན། ཡུན་རིང་བོད་དོན་ཐོག་རྒྱབ་སྐྱོར་གནང་མཁན་སྐུ་ཞབས་བྷ་ཤི་སི་ཐ་ན་རེན་སིངྒ་ (Shri.Bashistha Narain Singh (JDU) Rajya Sabha MP and a long time Tibet Supporter) མཆོག་དང་། ཆབ་སྲིད་དང་གྲོས་ཚོགས་ལམ་ལུགས་ཐོག་གི་ཤེས་ཡོན་དང་ཉམས་ཞིབ་བསྟི་གནས་ཁང་ (Jagjivan Ram Institute Of Parliamentary Studies And Political Research) ཞེས་པའི་ངེས་སྟོན་པ་འབུམ་རམས་པ་ན་རེན་དྷ་ར་པ་ཐག་ (Director Dr.Narendra Pathak) མཆོག མངའ་སྡེའི་གྲོས་ཚོགས་གོང་མའི་ཚོགས་གཞོན་རམ་ཅན་དྷ་ར་པུར་ཝི་སྐུ་ཞབས་ཨ་ཝ་དྷ་བྷི་ཧ་རི་ཅའོ་དྷ་རེ་ (Shri Ram Chandra Purve, Deputy Chairman of the Bihar Legislative Council) མཆོག རྒྱ་གར་དབུས་གཞུང་གི་ལས་བྱེད་ཟུར་པ་དང་། ས་གནས་ཧིན་བོད་མཛའ་འབྲེལ་ཚོགས་པའི་ཚོགས་གཙོ་ཟུར་པ་སྐུ་ཞབས་དམ་པ་རམ་ཅན་དྷ་ར་ཁན་ (Ram Chandra Khan, retired IPS officer and the former President of ITFS Bihar) མཆོག་གི་སྐུ་ཟླ་རྒྱ་གར་གྱི་མི་སེར་གཟེངས་རྟགས་མཐོ་ཤོས་བཞི་པ་བཞེས་མྱོང་མཁན་ལྕམ་སྐུ་ཨུ་ཤ་ཀི་རན་ཁན་ (Padmashree Usha Kiran Khan) མཆོག་དང་ལྷན་མཇལ་འཕྲད་དང་།  དེ་བཞིན་པཊ་ན་ཁུལ་ལ་ཡོད་པའི་བོད་མི་སུད་ཚོང་བ་རྣམས་དང་། ས་གནས་ཧིན་བོད་མཛའ་འབྲེལ་ཚོགས་པའི་ཚོགས་མི་རྣམས་དང་ལྷན་ཐུག་འཕྲད་གནང་ཡོད།

ཕྱི་ཚེས་ ༢༩ ཉིན་བྷི་ཧར་མངའ་སྡེའི་གྲོང་སྡེ་ཡར་རྒྱས་དང་། གྲོས་ཚོགས་ཀྱི་གནད་དོན་དང་འབྲེལ་བའི་བློན་ཆེན་སྐུ་ཞབས་ཤ་ར་ཝན་ཀུ་མར་ (Shri. Shrawan Kumar, Minister of Rural Development and Parliamentary Affairs in the Bihar Cabinet) མཆོག་དང་། བྷི་ཧར་མངའ་སྡེའི་གྲོས་ཚོགས་གོང་མའི་འཐུས་མི་སྐུ་ཞབས་ར་མེ་ཤི་ཝར་ཀུ་མར་མཱ་ཊོ་ (Shri. Rameshwar Kumar Mahto, Member of the Bihar Legislative Council, Janata Dal (United)) མཆོག རྒྱ་གར་དབུས་གྲོས་ཚོགས་འོག་མའི་འཐུས་མི་ཟུར་པ་དང་། ཨེལ་ཇེ་པི་སྲིད་དོན་ཚོགས་པའི་རྒྱལ་ཡོངས་ཚོགས་གཞོན་སྐུ་ཞབས་ཨ་རུན་ཀུ་མར་ (Shri. Arun Kumar, former MP Lok Sabha and National Vice president of LJP party) མཆོག བྷི་ཧར་མངའ་སྡེའི་གྲོས་ཚོགས་གོང་མའི་འཐུས་མི་ཟུར་པ་སྐུ་ཞབས་ཨ་ཇེ་ཨལ་མ་སེཊི་ (Shri Ajay Almast, former MLC) མཆོག བྷི་ཧར་མངའ་སྡེའི་ཁྲིམས་ཞིབ་ལྷན་ཚོགས་ཀྱི་འགན་འཛིན་ཁྲིམས་རྩོད་པ་སྐུ་ཞབས་ར་མ་ཀན་ཊ་ཤར་མ་ (Shri Ramakant Sharma, Senior Advocate, and Bihar State Bar Council Chairman) མཆོག ཁྲིམས་ཞིབ་ལས་རོགས་འབུམ་རམས་པ་ཀེ་ཨན་སིངྒ་ (Dr. KN Singh, Additional Solicitor General Bihar) མཆོག པཏ་ན་གཙུག་ལག་སློབ་གཉེར་ཁང་གི་སློབ་སྤྱི་ཟུར་པ་སློབ་དཔོན་ཨན་ཀེ་ཅའོ་དྷ་རེ་ (Prof. N.K. Choudhary, former principal of Patna College) མཆོག་བཅས་དང་ལྷན་རིམ་པས་མཇལ་འཕྲད་དང་། དེ་བཞིན་བོད་མི་མང་སྤྱི་འཐུས་རྣམ་པ་གཉིས་རྒྱ་གར་ར་ཤི་ཊིར་ཡ་ཇ་ན་ཏ་དྷལ་སྲིད་དོན་ཚོགས་པའི་ལས་ཁུངས་སུ་ཆེད་ཕེབས་གནང་སྐབས། ཚོགས་པའི་ཚོགས་གཙོ་རྒྱ་གར་གྲོས་ཚོགས་འོག་མའི་འཐུས་མི་ཟུར་པ་སྐུ་ཞབས་ཇག་དྷ་ཨན་ཌི་སིངྒ་ (Shri. Jagdanand Singh, President of Rashtriya Janata Dal of Bihar, former MLC and Lok Sabha MP) མཆོག་དང་། སྤྱི་ཁྱབ་དྲུང་ཆེ་མངའ་སྡེའི་བློན་ཆེན་ཟུར་པ་སྐུ་ཞབས་ཤ་ཡམ་ར་ཇག་ (Shri. Shyam Rajak ji, General Secretary RJD, former MLA and Cabinet minister Bihar Government) མཆོག མངའ་སྡེའི་གྲོས་ཚོགས་གོང་མའི་འཐུས་མི་ཟུར་པ་སྐུ་ཞབས་ཏན་ཝིར་ཧ་སན་ (Shri Tanveer Hassan, former MLC) མཆོག་བཅས་ནས་སྣེ་ལེན་མཇལ་འཕྲད་གནང་འདུག

ཕྱི་ཚེས་ ༣༠ ཉིན་བྷི་ཧར་མངའ་སྡེའི་གྲོས་ཚོགས་གོང་མའི་འཐུས་མི་དང་། རྒྱ་གར་དབུས་གཞུང་གི་བློན་ཆེན་ཟུར་པ་སྐུ་ཞབས་སན་ཇེ་པ་ས་ཝན་ (Shri Sanjay Paswan, Member of Bihar Legislative council and former union minister) མཆོག་དང་། བྷི་ཧར་མངའ་སྡེའི་གྲོས་ཚོགས་གོང་མའི་ཚོགས་གཙོ་སྐུ་ཞབས་ཌེ་ཝེ་ཤི་ཅན་དྷ་ར་ཐ་ཀུར་ (Shri Devesh Chandra Thakur, Chairman of Bihar Legislative Council) མཆོག བྷི་ཧར་མངའ་སྡེའི་གྲོས་ཚོགས་འོག་མའི་ཚོགས་གཙོ་ཟུར་པ་སྐུ་ཞབས་ཨུ་དའེ་ནཱ་རཱ་ཡན་ཅའོ་དྷ་རེ་ (Shri Udhay Narayan Choudhary, former Speaker of the Bihar Legislative Assembly) མཆོག བྷི་ཧར་མངའ་སྡེའི་གྲོས་ཚོགས་གོང་མའི་འཐུས་མི་དང་། བྷི་ཧར་ཁུལ་གྱི་བྷི་ཇེ་པི་སྲིད་དོན་ཚོགས་པའི་ཚོགས་གཞོན་སྐུ་ཞབས་ཌེ་ཝེ་ཤི་ ཀུ་མར་ (Shri Devesh Kumar, Member of Bihar Legislative Council and Vice President of BJP, Bihar) མཆོག་བཅས་དང་ལྷན་རིམ་པས་མཇལ་འཕྲད་དང་། དེ་བཞིན་དེ་ཉིན་མངའ་སྡེའི་གྲོས་ཚོགས་གོང་མའི་ཚོགས་ཁང་ནང་བུད་མེད་ནུས་སྟོབས་ཀྱི་མཛད་སྒོ་ཞིག་ཚོགས་པའི་ཐོག་བྷི་ཧར་མངའ་སྡེའི་གྲོས་ཚོགས་གོང་མའི་ཚོགས་གཞོན་སྐུ་ཞབས་རམ་ཅན་དྷ་ར་པུར་ཝེ་ (Shri Ram Chandra Purve, Deputy Speaker of Bihar Legislative Council) མཆོག་གིས་སྤྱི་འཐུས་རྣམ་པ་གཉིས་གདན་ཞུས་ཀྱིས་ཆེ་བསྟོད་གནང་རྗེས། ཕྱི་དྲོ་རྒྱ་གར་གྱི་གསར་འགོད་པ་འདུ་འཛོམས་ཐོག་བོད་དོན་སྐོར་ངོ་སྤྲོད་དང་། དྲི་བ་དྲིས་ལན་གནང་ཡོད་འདུགཐེངས་འདིའི་བོད་དོན་ཞུ་སྐུལ་ཚོགས་ཆུང་ནས་ཕྱི་ལོ་ ༢༠༢༣ ཟླ་ ༡༡ པའི་ཚེས་ ༢༦ ནས་ ༣༠ བར་ཉིན་གྲངས་ལྔའི་རིང་བྷི་ཧར་མངའ་སྡེའི་སྲིད་སྐྱོང་དང་། རྒྱ་གར་དབུས་གྲོས་ཚོགས་འཐུས་མི། མངའ་སྡེའི་གྲོས་ཚོགས་གོང་འོག་གཉིས་ཀྱི་ཚོགས་གཙོ་གཙོས་པའི་ཚོགས་མི་ཁག་ཅིག གཞན་གནད་ཡོད་མི་སྣ་ཁག་དང་མཇལ་འཕྲད་གནང་སྐབས་ད་ལྟའི་བོད་ནང་གི་ཛ་དྲག་གནས་སྟངས་སྐོར་ངོ་སྤྲོད་དང་། བོད་མི་མང་སྤྱི་འཐུས་ལྷན་ཚོགས་ཀྱི་དོན་ཚན་བཅུ་ཅན་གྱི་ཞུ་ཡིག་སོགས་ཕུལ་ཏེ། བོད་དོན་སྐོར་ཞུ་སྐུལ་དང་། གསར་འགོད་ལྷན་ཚོགས་བསྐོང་ཚོགས་ཀྱིས་བོད་དོན་སྐོར་ངོ་སྤྲོད་སོགས་གནང་ཡོད་འདུགཔཏ་ན་ཁུལ་གྱི་ལས་རིམ་ཉིན་མཐའ་མའི་དགོང་མོ་ཆུ་ཚོད་ ༩།༠༠ པར་བོད་མི་མང་སྤྱི་འཐུས་རྣམ་པ་གཉིས་དང་། ས་གནས་ཧིན་བོད་མཛའ་འབྲེལ་ཚོགས་པའི་ཚོགས་མི་རྣམ་པ་འདུ་འཛོམས་ཐོག ཉིན་ལྔའི་རིང་བྷི་ཧར་མངའ་སྡེའི་རྒྱལ་ས་པཊ་ན་ཁུལ་ལ་བོད་དོན་ཞུ་སྐུལ་གནང་སྐབས། ས་གནས་ཧིན་བོད་མཛའ་འབྲེལ་ཚོགས་པའི་ཚོགས་མི་རྣམ་པས་མཐུན་འགྱུར་གང་ལེགས་གནང་བར་སྤྱི་འཐུས་རྣམ་པ་གཉིས་ཀྱིས་ཐུགས་རྗེ་ཆེ་ཞུས་གནང་ཞིང་། སྐབས་དེར་རྒྱ་གར་བོད་དོན་རྒྱབ་སྐྱོར་ཚོགས་པའི་ཟུང་སྦྲེལ་ཚོགས་གཙོ་སྐུ་ཞབས་སུ་རེན་དྷ་ར་ཀུ་མར་ (Surendra Kumar, National Co-Convener་of Core Group for Tibetan Cause) ལགས་དང་། ཧིན་བོད་མཛའ་འབྲེལ་ཚོགས་པའི་འཛིན་སྐྱོང་ཚོགས་མི་སློབ་དཔོན་པ་ར་མུ་ཌི་ ཀུ་མར་ (Prof. Pramod Kumar Sharma ji , Executive Committee of ITFS) ལགས། ས་གནས་ཧིན་བོད་མཛའ་འབྲེལ་ཚོགས་པའི་དྲུང་ཆེ་སྐུ་ཞབས་ཝི་ ཨན་ ཨུ་པ་དྷི་ཡེ་ (Prof. V N Upadhyay, General Secretary, ITFS Bihar) ལགས། ཚོགས་པའི་རྒྱལ་ཡོངས་མགྲིན་ཚབ་པ་ཀེ་ ཝི་ ཡ་དེབ་ (K V Yadav, National Spokesperson, ITFS) ལགས། ཚོགས་པའི་འཛིན་སྐྱོང་ཚོགས་མི་ཁྲིམས་རྩོད་པ་རེ་ཀེ་ཤི་ ཐ་ཀུར་ (Rakesh Thakur, Advocate, Patna High Court, State Executive Member ITFS, Bihar) ལགས། ཚོགས་པའི་སློབ་ཕྲུག་ཚན་པའི་ཟུང་སྦྲེལ་ཚོགས་གཙོ་པར་ཤན་ཊ་ གྷོ་ཏམ་ (Prashant Gautam, National Co-Convener ITFS, Student Wing) ལགས་བཅས་ཕེབས་གནང་ཡོད་འདུག་པ་བཅས། །