༄༅། །བོད་མིའི་སྒྲིག་འཛུགས་བཀའ་ཤག་གི་དགོངས་པ་བཞིན་ཚོགས་འདུ་འདི་བཙན་བྱོལ་བོད་མིའི་སྤྱི་ཚོགས་ཁྲོད་བོད་མི་བརྡ་འཕྲིན་འཕྲུལ་ལས་ཆེད་ལས་པ་ (IT Professionals) ཕན་ཚུན་ངོ་སྤྲོད་དང་འབྲེལ་ལམ། ཤེས་མྱོང་བརྗེ་ལེན། ནུས་རྩལ་གོང་སྤེལ་དང་རྒྱ་བསྐྱེད་གཏོང་རྒྱུའི་སྡིངས་ཆ་ཞིག་ཡིན་པ་དང་། སྡིངས་ཆ་འདིའི་བརྒྱུད་སོ་སོའི་ནུས་རྩལ་དང་མཉམ་པའི་ལས་ཀའི་གོ་སྐབས་འབུལ་རྒྱུར་དམིགས་ཏེ་དཔལ་འབྱོར་ཀམ་པུ་ཊར་སྡེ་ཚན་དང་དཔལ་འབྱོར་སྤྱི་ཚོགས་ཡར་རྒྱས་ཐེབས་རྩ་གཉིས་ཟུང་སྦྲེལ་ཐོག་ཕྱི་ལོ་ ༢༠༢༤ ཟླ་ ༡ ཚེས་ ༣ དང་ ༤ ཉིན་གྲངས་གཉིས་རིང་ལྷོ་ཕྱོགས་བེངྒ་ལོར་དུ་རྟེན་གཞི་ཏཱ་ལའི་བླ་མ་མཐོ་རིམ་སློབ་གཉེར་ཁང་དུ་བོད་མི་བརྡ་འཕྲིན་འཕྲུལ་ལས་ཆེད་ལས་པའི་ཚོགས་འདུ་ཐེངས་གཉིས་པ་དེ་བསྐོང་ཚོགས་གནང་རྒྱུ་ཡིན་ན། ཚོགས་འདུར་མཉམ་ཞུགས་གནང་འདོད་ཡོད་རིགས་ནས་ཕྱི་ལོ་ ༢༠༢༣ ཟླ་ ༡༢ ཚེས་ ༢༦ འགྱངས་མེད་གཤམ་འཁོད་སྦྲེལ་ཐག་བརྒྱུད་ཐོ་འགོད་གནང་དགོས་པ་དང་། ཚོགས་བཅར་བ་རྣམས་ཀྱི་ལམ་གྲོན་དང་བཞུགས་གནས་སོགས་ཚོགས་འདུ་གོ་སྒྲིག་པས་མཐུན་འགྱུར་ཞུ་རྒྱུ་ཡིན། ཚོགས་འདུ་དང་འབྲེལ་དོགས་འདྲི་ཡོད་ཚེ་གཤམ་འཁོད་གློག་འཕྲིན་བརྒྱུད་འབྲེལ་བ་ཡོང་བའི་གསལ་བསྒྲགས་སུ། བོད་མིའི་སྒྲིག་འཛུགས་དཔལ་འབྱོར་ཀམ་པུ་ཊར་སྡེ་ཚན་ནས་ཕྱི་ལོ་ ༢༠༢༣ ཟླ་ ༡༢ ཚེས་ ༥ ལ།།
ཐོ་འགོད་སྦྲེལ་ཐག https://forms.gle/9uutVD7oYd3VCuoj6
འབྲེལ་བ་ཞུ་ས། [email protected] / [email protected]
