༄༅། །ཕྱི་ལོ་ ༢༠༢༣ ཟླ་བ་ ༡༢ ཚེས་ ༨ རེས་གཟའ་པ་སངས་ཉིན་ནང་སྲིད་དྲུང་ཆེ་དཔལ་ལྡན་དོན་གྲུབ་ལགས་ཀྱིས་སྤུ་རུ་ཝ་ལ་ས་གནས་འགོ་འཛིན་ལས་ཁུངས་གསར་པ་དབུ་འབྱེད་གནང་ཡོད་པ་རེད།

དེ་ཡང་དབུ་འབྱེད་མཛད་སྒོར་དཔལ་འབྱོར་བཀའ་ཟུར་ཀརྨ་ཡེ་ཤེས་མཆོག་དང་། ས་གནས་འགོ་འཛིན་ཟུར་པ་དོན་ཁང་དབང་རྒྱལ་ལགས། སྤོན་ཊ་ཆོལ་གསུམ་དང་། ས་ཌོན་ཁམས་ཀ་ཐོག ཀུམ་རའོ་སྒ་པ་བཅས་ཀྱི་ས་གནས་འགོ་འཛིན། དེ་བཞིན་མ་སུ་རི་བོད་ཁྱིམ་གྱི་དྲུང་ཟུར་དགེ་འདུན་རིན་ཆེན་ལགས། ནང་སྲིད་ལས་ཁུངས་ཀྱི་ཟུང་དྲུང་བཀྲ་ཤིས་བདེ་སྐྱིད་ལགས་བཅས་ཕེབས་གནང་ཡོད།

ས་གནས་འགོ་འཛིན་ལས་ཁུངས་དེ་ནི་བོད་མིའི་སྒྲིག་འཛུགས་ཀྱི་ནང་སྲིད་ལས་ཁུངས་ཀྱིས་མཐུན་འགྱུར་རོགས་རམ་འོག་གསར་འཛུགས་གནང་བ་ཞིག་ཡིན་པ་དང་། ས་སྐྱ་མ་མགོན་ཐུབ་བསྟན་གླིང་དགོན་པའི་དགེ་འདུན་པ་རྣམས་ནས་རབ་གནས་གནང་ཡོད་པ་བཅས།།