༄༅། །ཕྱི་ལོ་ ༢༠༢༣ ཟླ་བ་ ༡༡ ཚེས་ ༠༦ ཉིན་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་སོག་ཡུལ་དགའ་ལྡན་ཐེག་ཆེན་ཆོས་གླིང་དགོན་པའི་གསར་བསྐོས་མཁན་པོ་བླ་མ་དགེ་བཤེས་རྗེ་བཙུན་རྡོ་རྗེ་མཆོག་ལ་འཚམས་འདྲི་མཛད་འདུག
དེ་ཡང་མཚམས་འཕྲིན་ནང་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ནང་ཆོས་ནི་འཚེ་བ་མེད་པ་དང་སྙིང་རྗེའི་རྩ་བ་ཅན་ཞིག་ཡིན་པས་འགྲོ་བ་མིའི་རིགས་ཀྱི་བདེ་དོན་ལ་ཕན་ཐོགས་པའི་ནུས་པ་ཆེན་པོ་ཡོད། འོན་ཀྱང་དེ་ལྟར་ཡོང་མིན་ནི་ང་ཚོ་ཆོས་ལ་ཐོས་བསམ་སློབ་གཉེར་བྱེད་པའི་གོ་སྐབས་ཡོད་མཁན་ཚོར་མ་གཏོགས་ཡོང་ཐབས་མེད། ནང་ཆོས་འཆད་པའི་སྐབས། ཆོས་ཞུ་ཡུལ་གྱི་རྒྱུད་ཚོད་དང་མོས་པ་སེམས་ལ་ངེས་པར་འཛིན་དགོས་པ་ཡིན་ཞེེས་བཀའ་སྩལ་འདུག
བགྲེས་ཡོལ་ལ་ཕེབས་མཁན་ཁམས་པ་བླ་མ་ག་བུར་རྡོར་ཤུལ་ཆོས་རྗེ་མཆོག་ལ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་གསུང་འཕྲིན་ཟུར་དུ་སྩལ་བའི་ནང་། ཁོང་གིས་ཐོས་བསམ་སྒོམ་གསུམ་གྱི་སྒོ་ནས་སངས་རྒྱས་ཀྱི་བསྟན་པའི་སྒོ་མོ་ཕྱེ་བར་བསྔགས་བརྗོད་མཛད་པ་མ་ཟད། ཁམས་པ་བླ་མ་ཁོང་གིས་དོན་དང་ལྡན་པའི་མི་ཚེ་བསྐྱལ་ཡོད་ཅིང་། ལོ་མང་རིང་ཁོང་ནི་མགོན་པོ་མཆོག་གིས་གྲོགས་པོར་ངོས་འཛིན་གནང་གི་ཡོད་ཅེས་བཀའ་སྩལ་འདུག་པ་བཅས།།
