༄༅། །ཕྱི་ལོ་ ༢༠༢༣ ཟླ་བ་ ༡༡ ཚེས་ ༡༤ ཉིན་བོད་མིའི་སྒྲིག་འཛུགས་འཕྲོད་བསྟེན་ལས་ཁུངས་ཀྱི་རྒྱ་གར་ནང་གྱི་བོད་པའི་གཞིས་ཆགས་ཁག་ཏུ་འཛམ་གླིང་གཅིན་སྙི་ཉིན་མོ་སྲུང་བརྩི་ཞུས་ཡོད་པ་རེད།

དེ་ཡང་ལོ་ལྟར་འཕྲོད་བསྟེན་ལས་ཁུངས་ནས་ལས་གཞི་སྣ་ཚོགས་སྤེལ་གྱི་ཡོད་ཀྱང་། ད་རེས་ཆོས་རིག་ལས་ཁུངས་ཀྱི་བོད་མིའི་ཆོས་ཚོགས་ཐེངས་བཅུ་བཞི་པའི་གྲོས་འདོན་ལྟར་དམིགས་བསལ་དགོན་སྡེ་ཁག་གི་གྲྭ་བཙུན་ཆེད་དུ་ཡིན་པ་རེད།

ལས་འགུལ་དེའི་ནང་བྱེ་བྲག་ཏུ་གཅིན་སྙིའི་ནད་རིགས་མེད་པའི་རང་ལོ་ ༣༥ ཡན་གྱི་གྲྭ་བཙུན་རྣམས་ལ་རིན་མེད་ཁྲག་བརྟག་དཔྱད་དང་། ཕྱི་ལུགས་དང་གསོ་བ་རིག་པའི་སྨན་པ་འགས་གཅིན་སྙི་ན་ཚའི་སྐོར་གོ་རྟོགས་སྤེལ་གནང་བ་རེད།

ལས་གཞི་འདི་ནི་ (USAID) ཡིས་མཐུན་འགྱུར་རོགས་རམ་གནང་བ་ཞིག་ཡིན་པ་བཅས། །